IPL 2018ની આ 5 ઈનિંગ જોઈ દર્શકો રહી ગયા દંગ, જાણો વિગત
શેન વોટ્સન આઈપીએલ 2018માં અગાઉ પણ સદી ફટકારી ચૂક્યો હતો. પરંતુ ફાઇનલમાં સદી ફટકારવી હંમેશા ખાસ હોય છે. આ પહેલા આઈપીએલ ઇતિહાસમાં માત્ર રિદ્ધિમાન સાહા જ સદી લગાવી શક્યો હતો. આ રીતે આઈપીએલ ફાઇનલમાં સદી લગાવનાર તે પ્રથમ વિદેશી ખેલાડી છે. ફાઇનલમાં 10 બોલ સુધી ખાતું ન ખોલાવી શકનાર વોટ્સન તે બાદ એવો ખિલ્યો કે 57 બોલમાં 11 ચોગ્ગા અને 8 છગ્ગાની મદદથી 117 રનની અણનમ ઇનિંગ રમીને ચેન્નાઈને ત્રીજી વખત ખિતાબ જીતાડ્યો. તેની ઇનિંગ જોઈ કેપ્ટન ધોની ખુદ હેરાન થઈ ગયો હતો.
આઈપીએલની 11મી સીઝનમાં સદી ફટકારનાર સૌપ્રથમ બેટ્સમેન બનનારા રિષભ પંતે સીઝનના સર્વશ્રેષ્ઠ બોલિંગ આક્રમણ સનરાઇઝર્સ હૈદરાબાદ સામે જે રીતે વિસ્ફોટક બેટિંગ કરી તેને જોઈ બધા હેરાન થઈ ગયા. તેણે લેપ્સ શોટ સાથે ભુવનેશ્વરની લાઇનલેન્થ ખરાબ કરી દીધી હતી. પંતે 63 બોલમાં 128 રનની ઇનિંગમાં 15 ચોગ્ગા અને 7 છગ્ગા માર્યા હતા.
ઘણા લાંબા સમયથી મહેન્દ્ર સિંહ ધોનીની બેટિંગને લઈ સવાલો ઉઠતા હતા. આરસીબી સામે ધોનીએ 205 રનના ટાર્ગેટને પીછો કરતાં માત્ર 34 બોલમાં 70 રનની ધમાકેદાર ઇનિંગ રમી. તેની આ ઇનિંગે ટિકાકારોને સણસણતો જવાબ આપ્યો. ધોનીએ આ ઈનિંગમાં માત્ર એક જ ફોર ફટકારી હતી પરંતુ સાત તોતિંગ સિક્સર મારી હતી.
આઈપીએલ 2018ની હરાજીમાં કોઈ ખરીદદાર ન મળ્યા બાદ કિંગ્સ ઇલેવન પંજાબે ગેઈલને અંતિમ સમયે કરારબદ્ધ કર્યો હતો. ટીમમાં સામેલ થયા બાદ પણ પ્લેઇંગ ઇલેવનમાં તેને શરૂઆતની મેચમાં સ્થાન નહોતું મળ્યું. ટીમમાં સ્થાન મળતાં જ ગેઈલે પંજાબ સામે 22 બોલમાં અડધી સદી ફટકારી. જે તેની આઇપીએલની બીજી સૌથી ઝડપી અડધી સદી હતી. જે બાદ તેણે આઈપીએલ 2018ની પ્રથમ સદી પણ ફટકારી. ઈનિંગ બાદ ગેઈલે કહ્યું કે, મારી આ ઈનિંગે આઈપીએલને બચાવી લીધી.
IPLની શરૂઆતમાં જ કિંગ્સ ઇલેવન પંજાબના ઓપનર લોકેશ રાહુલે નવો રોમાંચ ભરી દીધો. ટીમના પ્રથમ મુકાબલામાં જ રાહુલે 14 બોલમાં અડધી સદી લગાવીને સીઝનની શાનદાર શરૂઆત કરી. જે બાદ તે ટુર્નામેન્ટમાં અનેક યાદગાર ઈનિંગ રમ્યો. રાહુલ આઈપીએલ 2018માં 659 રન બનાવીને સૌથી વધુ રન બનાવનારા ખેલાડીમાં ત્રીજા નંબર પર રહ્યો.
નવી દિલ્હીઃ ઈન્ડિયન પ્રીમિયર લીગની 11મી સીઝનનું રવિવારે શાનદાર સમાપન થયું હતું. ચેન્નાઈ સુપર કિંગ્સે ફાઇનલ મુકાબલામાં સનરાઇઝર્સ હૈદરાબાદને 8 વિકેટથી હરાવી ખિતાબ પર ત્રીજી વખત કબજો કર્યો. 60 મેચોની આ રોમાંચક સફરમાં ભલે કોઇ હેટ્રિક કે સુપર ઓવર જોવા ન મળી હોય પરંતુ અનેક એવી ઇનિંગ જોવા મળી જેને ક્રિકેટ ફેન્સ વર્ષો સુધી યાદ રાખશે.