નવી દિલ્હીઃ ભારતીય ક્રિકેટ કંટ્રોલ બોર્ડ દ્વારા મહિલા વર્લ્ડ ટી20 માટે ટીમની જાહેરાત કરી દેવામાં આવી છે. જેમાં હરમનપ્રીત કૌરને સુકાનીપદ સોંપવામાં આવ્યું છે. જ્યારે સ્મૃતિ મંધાના ઉપ કપ્તાન જાહેર કરવામાં આવી છે. મિતાલી રાજ અને યુવા જેમિમા રોડ્રિગ્સને પણ 15 સભ્યોની ટીમમાં સ્થાન મળ્યું છે. તાજેતરમાં શ્રીલંકામાં રમાયેલી ટી-20 ઈન્ટરનેશનલ સીરિઝમાં આ બંનેએ શાનદાર પ્રદર્શન કર્યું હતું. 10 ટીમ લઈ રહી છે ભાગ અનુભવી ફાસ્ટબોલર શિખા પાંડેને ટીમમાં સ્થાન મળ્યું નથી. જ્યારે ફાસ્ટ બોલર ઓલરાઉન્ડર પૂજા વસ્ત્રાકરની ટીમમાં વાપસી થઈ છે. વસ્ત્રાકરને શ્રીલંકા સામે સીરિઝમાં સ્થાન મળ્યું નહોતું.  છઠ્ઠો T20 વર્લ્ડ કપ વેસ્ટ ઈન્ડિઝમાં યોજાશે. જેની શરૂઆત 9 નવેમ્બરથી થશે. ફાઈનલ 24 નવેમ્બરના રોજ રમાશે. આ ટુર્નામેન્ટમાં કુલ 10 ટીમો ભાગ લઈ રહી છે. ભારત-પાકિસ્તાન એક જ ગ્રુપમાં ભારતીય ટીમને ગ્રુપ બીમાં ન્યૂઝીલેન્ડ, પાકિસ્તાન, આયરલેન્ડ અને ઓસ્ટ્રેલિયા સાથે રાખવામાં આવ્યું છે. ભારતીય મહિલા ક્રિકેટ ટીમ તેના અભિયાનની શરૂઆત 9 નવેમ્બરે ન્યૂઝીલેન્ડ સામે રમીને કરશે. તેના 2 દિવસ બાદ પાકિસ્તાન સામે મુકાબલો થશે. જે પછી 15 નવેમ્બરે આયરલેન્ડ અને 17 નવેમ્બરે ઓસ્ટ્રેલિયા સામે મુકાબલો રમશે. ક્યારે કોનો કોની સામે મુકાબલો
તારીખ ટીમ ગ્રુપ
9 નવેમ્બર ભારત vs ન્યૂઝીલેન્ડ B
ઓસ્ટ્રેલિયા vs પાકિસ્તાન B
વેસ્ટ ઈન્ડિઝ vs બાંગ્લાદેશ A
10 નવેમ્બર ઈંગ્લેન્ડ vs શ્રીલંકા A
11 નવેમ્બર ભારત vs પાકિસ્તાન B
ઓસ્ટ્રેલિયા vs આયરલેન્ડ B
12 નવેમ્બર ઈંગ્લેન્ડ vs બાંગ્લાદેશ A
શ્રીલંકા vs સાઉથ આફ્રિકા A
13 નવેમ્બર પાકિસ્તાન vs આયરલેન્ડ B
ઓસ્ટ્રેલિયા vs ન્યૂઝીલેન્ડ B
14 નવેમ્બર શ્રીલંકા vs બાંગ્લાદેશ A
વેસ્ટ ઈન્ડિઝ vs સાઉથ આફ્રિકા A
15 નવેમ્બર ભારત vs આયરલેન્ડ B
ન્યૂઝીલેન્ડ vs પાકિસ્તાન B
16 નવેમ્બર ઈંગ્લેન્ડ vs સાઉથ આફ્રિકા A
વેસ્ટ ઈન્ડિઝ vs શ્રીલંકા A
17 નવેમ્બર ભારત vs ઓસ્ટ્રેલિયા B
ન્યૂઝીલેન્ડ vs આયરલેન્ડ B
18 નવેમ્બર વેસ્ટ ઈન્ડિઝ vs ઈંગ્લેન્ડ A
સાઉથ આફ્રિકા vs બાંગ્લાદેશ A
22 નવેમ્બર A1 v B2 સેમી ફાઇનલ 1
A2 v B1 સેમી ફાઇનલ 2
24 નવેમ્બર ફાઇનલ