ધોનીએ સેનાની વર્દી પહેરીને કેમ સ્વીકાર્યું પદ્મ ભૂષણ સન્માન, ખુદ કર્યો ખુલાસો, જાણો વિગત

ધોનીએ માત્ર સેનાની વર્દી જ ન પહેરી પરંતુ જવાનના અંદાજમાં માર્ચ પાસ્ટ કરી આ સન્માન મેળવ્યું. તેના આ અંદાજ પર તેની પત્ની સાક્ષી પણ આફરીન થઈ ગઈ અને તેને ટગર ટગર જોકી રહી.

ધોનીને આ પહેલા 2007માં દેશના સર્વોચ્ચ ખેલ સન્માન રાજીવ ગાંધી ખેલ એવોર્ડથી અને 2009માં દેશના ચોથા સર્વોચ્ચ નાગરિક પુરસ્કાર પદ્મશ્રીથી નવાજવામાં આવ્યો હતો.

પદ્મ ભૂષણ એનાયત થયા બાદ ધોની અને તેની પત્ની સાક્ષીએ વડાપ્રધાન મોદી સાથે તસવીર પડાવી હતી.

ધોનીએ લખ્યું કે, જે મહિલા કે પુરુષ વર્દીમાં રહીને દેશની સેવા કરી રહ્યા છે તેમના પરિવારો પણ જે કષ્ટ ઉઠાવી રહ્યા છે તે માટે તેમનો પણ આભાર. તમારી કુરબાનીના કારણે જ આજે અમે લોકો ખુશી મનાવી શકીએ છીએ.

ધોનીએ તેના ઇન્સ્ટાગ્રામ એકાઉન્ટ પર પોસ્ટ કરીને લખ્યું છે કે, પદ્મ ભૂષણ સન્માન મળવું એક મોટી વાત છે અને તેને આર્મીના યુનિફોર્મમાં રિસીવ કરવું આ ખુશીને બમણી કરી દે છે. ધોનીએ આ અવસર પર સેનાના જવાનોનો પણ આભાર માન્યો.

નવી દિલ્હીઃ ભારતીય ક્રિકેટ ટીમના પૂર્વ કેપ્ટન મહેન્દ્ર સિંહ ધોનીને સોમવારે પદ્મ ભૂષણથી નવાજવામાં આવ્યો હતો. સોમવારે રાષ્ટ્રપતિ ભવનમાં જ્યારે ધોની રાષ્ટ્રપતિ રામનાથ કોવિંદ પાસે આ સન્માન લેવા પહોંચ્યો ત્યારે દરેક લોકો ચોંકી ગયા હતા. કારણકે ધોનીએ અહીંયા સેના ઓફિસરના ડ્રેસમાં આવ્યો હતો. તે સમયે જ સવાલ થયો હતો કે ધોની કેમ આર્મીનો ડ્રેસ પહેરીને આવ્યો હતો. હવે આ સવાલનો જવાબ ખુદ ધોનીએ જ આપ્યો છે.