INDvWI: કુલદીપ યાદવે બનાવ્યો અનોખો રેકોર્ડ, જાણો વિગત

લખનઉઃ વેસ્ટ ઈન્ડિઝ સામે રમાયેલી બીજી ટી20 મેચમાં ટીમ ઈન્ડિયાના ચાઈના મેન બોલર કુલદીપ યાદવે એક મહત્વપૂર્ણ રેકોર્ડ તેના નામે કર્યો હતો. કુલદીપે 4 ઓવરમાં 32 રન આપીને 2 વિકેટ ઝડપી હતી. જેના કારણે તે 2018માં ટી20માં સર્વાધિક વિકેટ લેનારો બોલર બની ગયો છે. તેણે 17 T20 વિકેટ સાથે વર્ષ 2018નું સમાપન કર્યું હતું.

કુલદીપના કરિયરની આ 14મી T20 મેચ હતી. જેમાં તેણે 29 વિકેટ લીધી છે. 14 મેચ બાદ તે વિશ્વનો સૌથી વધારે વિકેટ લેનારો બોલર બની ગયો છે.

આ મામલે શ્રીલંકાનો અજંતા મેંડિસ અને યુઝવેન્દ્ર ચહલ બીજા સ્થાન પર છે. તેમણે 14 ટી20માં 26-26 વિકેટ લીધી છે.

કુલદીપનો સર્વશ્રેષ્ઠ દેખાવ 24 રનમાં 5 વિકેટ છે. ચાલુ વર્ષે માન્ચેસ્ટરમાં ઈંગ્લેન્ડ સામે રમાયેલી મેચમાં તેણે આ દેખાવ કર્યો હતો.