શ્રીલંકા સામે લોકેશ રાહુલે બનાવ્યો શરમજનક રેકોર્ડ, આ રીતે આઉટ થનારો પ્રથમ ભારતીય બેટ્સમેન બન્યો
કેન્યાનો ડેવિડ ઓબુયા આંતરરાષ્ટ્રીય ટી-20 મેચમાં હિટ વિકેટ આઉટ થનારો વિશ્વનો પ્રથમ બેટ્સમેન હતો. આ સિવાય દક્ષિણ આફ્રિકાનો એબી ડિવિલિયર્સ, શ્રીલંકાનો દિનેશ ચાંદીમલ, પાકિસ્તાનનો મિસબાહ ઉલ હક અને મોહમ્મદ હાફિઝ જેવા બેટ્સમેનો પણ હિટ વિકેટ આઉટ થઇ ચૂક્યા છે.
લોકેશ રાહુલ ક્રિકેટના સૌથી નાના ફોર્મેટમાં હિટ વિકેટ થનારો ભારતનો પ્રથમ અને વિશ્વનો નવમો બેટ્સમેન બની ગયો છે.
સતત બે મેચમાં નિષ્ફળ રહેનારા પંતના સ્થાને રમવા ઉતરેલા રાહુલે 17 બોલમાં 18 રનની ઇનિંગ રમી હતી. સારી બેટિંગ કરી રહેલો રાહુલ શરમજનક રીતે આઉટ થઈને પેવેલિયન પરત ફર્યો હતો. તેના નામે નામે અણગમતો રેકોર્ડ નોંધાયો હતો.
લોકેશ રાહુલ શ્રીલંકા સામે ભારતીય ઇનિંગની 10મી ઓવરના પાંચમા બોલ પર હિટ વિકેટ આઉટ થયો તો. જીવન મેંડિસના બોલ પર રાહુલે લેગ સાઇડ પર શોટ રમ્યો હતો. આ દરમિયાન તે ક્રીઝની અંદર આવી ગયો તો અને તેના બંને પગ સ્ટંપ સાથે ટકરાવાના કારણે બેલ્સ પડી ગયા હતા. રાહુલ રન લેવા દોડ્યો હતો પરંતુ અમ્પાયરે તેને આઉટ જાહેર કર્યો હતો.
કોલંબોઃ શ્રીલંકા સામે સોમવારે રમાયેલી ટી-20 મેચમાં ટીમ ઈન્ડિયામાં રિષભ પંતના સ્થાને કેએલ રાહુલનો સમાવેશ કરવામાં આવ્યો હતો. પરંતુ લોકેશ રાહુલે આ મોકો તેની એક ભૂલના કારણે ગુમાવી દીધો. રાહુલ પણ અપેક્ષા મુજબનું પ્રદર્શન ન કરી શક્યો અને તેણે એક એવો રેકોર્ડ બનાવી દીધો જે ભારતીય ટી-20 ક્રિકેટ ઇતિહાસમાં કોઈ પણ બેટ્સમેને બનાવ્યો નહોતો.
ટી-20 ક્રિકેટના ઇતિહાસમાં લોકેશ રાહુલ પહેલા કોઈ પણ ભારતીય બેટ્સમેન હિટ વિકેટ આઉટ થયો નહોતો. લોકેશ રાહુલ ક્રિકેટના સૌથી નાના ફોર્મેટમાં હિટ વિકેટ થનારો ભારતનો પ્રથમ અને વિશ્વનો નવમો બેટ્સમેન બની ગયો છે.
વન ડે ક્રિકેટમાં હિટ વિકેટ આઉટ થવાના પ્રથમ ભારતીયનો રેકોર્ડ પૂર્વ વિકેટકિપર નયન મોંગિયાના નામે છે. તે 1995માં પાકિસ્તાન સામે શારજહામાં વસીમ અક્રમની બોલ પર હિટ વિકેટ થયો હતો.
ટેસ્ટ મેચમાં હિટ વિકેટ આઉટ થનારા પ્રથમ ભારતીય બેટ્સમેન લાલા અમરનાથ હતા. તેઓ 1949માં વેસ્ટ ઇન્ડિઝ સામે ચેન્નઇમાં હિટ વિકેટ આઉટ થયા હતા.