દિલ્હીની 22 વર્ષની આ છોકરીએ કોમનવેલ્થ ગેમ્સમાં 4 મેડલ જીતીને વગાડ્યો ડંકો, જાણ વિગત

મણિકા વર્લ્ડ ટેબલ ટેનિસ ચેમ્પિયનશીપમાં ક્વાર્ટર ફાઇનલ સુધી પહોંચનારી ભારતની પહેલી મહિલા ખેલાડી બની. હાલ તે ભારતની નંબર વન પ્લેયર છે.

મણિકાની માતા સુષ્મા બત્રાએ કહ્યું કે મને ખુશી છે કે તેણે દેશનું નામ રોશન કરવા માટે યોગ્ય રસ્તો પસંદ કર્યો.

મણિકાએ કહ્યું, નસીબદાર છું કે મારી રમતને કારણે જ મને કોમનવેલ્થમાં ગેમ્સમાં લીડ કરવાનો મોકો મળ્યો અને લીડર હોવાનો રોલ હું બહુ સારી રીતે નિભાવી શકી છું. સિંગાપુરની બંને ટોપ રેન્કની પ્લેયરને હરાવવાનો અનુભવ સુખદ રહ્યો. પરંતુ ડબલ્સમાં તેમનાથી જ હાર મળી જેનાથી થોડી નિરાશા થઇ.

મણિકાએ 2011માં ચિલી ઓપનમાં અંડર-21 આયુ વર્ગમાં સિલ્વર મેડલ હાંસલ કર્યો. 2014 કોમનવેલ્થ ગેમ્સ અને એશિયલ ગેમ્સ ક્વાર્ટર ફાઇનલ સુધી પહોંચી. કોમનવેલ્થ ટેબલ ટેનિસ ચેમ્પિયનશીપમાં 3 મેડલ જીત્યા. 2016 સાઉથ એશિયન ગેમ્સમાં 3 ગોલ્ડ દેશને અપાવ્યા. વુમન ડબલ્સ, મિક્સ્ડ ડબલ્સ અને ટીમમાં ગોલ્ડ હાંસલ કર્યો.

મણિકાએ જણાવ્યું કે ગોલ્ડ કોસ્ટમાં મેડલ જીતવા માટે જર્મનીમાં એક મહિનાની સ્પેશિયલ ટ્રેઇનિંગ હાંસલ કરી. ત્યાં ગેમમાં ઝડપી સર્વિસ, સ્મેશ અને બોલ કંટ્રોલને વધુ સારો કરવાનો અભ્યાસ કર્યો. આ ટ્રેનિંગનો ફાયદો જ તેમને આ વખતે કોમનવેલ્થમાં મળ્યો છે.

દિલ્હીના નારાયણ વિહારમાં રહેતી મણિકાને જીએસ એન્ડ મેરી કોલેજમાં ભણતી હતી ત્યારે મોડેલિંગની ઓફર મળી હતી. તે આ દિશામાં પણ પોતાનું કરિયર બનાવી શકતી હતી. પરંતુ તેણે ટેબલ ટેનિસને પસંદ કર્યું અને તેમાં મહેનત ચાલુ રાખી. મણિકાએ જણાવ્યું કે તે ચાર વર્ષની ઉંમરથી ટેબલ ટેનિસ રમી રહી છે.

મણિકાએ સિંગાપુરની વર્લ્ડ નંબર-4 ફેંગ તેનવે (વુમન્સ ટીમ) અને પૂર્વ વર્લ્ડ નંબર-9 મેંગયુ યૂ (સિંગલ્સ)ને હરાવીને ગોલ્ડ મેડલ મેળવવામાં સફળ રહી. આ બંનેની જોડીથી જ ડબલ્સના ફાઇનલમાં તેમને હારનો સામનો કરવો પડ્યો.

મણિતા બત્રાએ કોમનવેલ્થ ગેમ્સમાં ટેબલ ટેનિસમાં કુલ 4 મેડલ પોતાના નામે કર્યા. ટેબલ ટેનિસના ઇતિહાસમાં સિંગલ્સ, વુમન્સ ટીમ, વુમન ડબલ્સ અને મિકસ્ડ ડબલમાં મેડલ જીતનારી પ્રથમ મહિલા ખેલાડી બની ગઈ.

નવી દિલ્હી: ઓસ્ટ્રેલિયાના ગોલ્ડ કોસ્ટમાં રવિવારે સમાપ્ત થયેલી કોમનવેલ્થ ગેમ્સમાં ભારતે 26 ગોલ્ડ, 20 સિલ્વર અને 20 બ્રોન્ઝ સહિત કુલ 66 મેડલ જીત્યા. આ ઇવેન્ટમાં ભારત વતી કુલ 217 ખેલાડીઓએ ભાગ લીધો હતો. પરંતુ આ બધામાં દિલ્હીની 22 વર્ષીય મણિકા સૌથી સફળ રહી.