આ બોલરે એક જ મેચમાં બે હેટ્રિક લઈ બનાવ્યો રેકોર્ડ

સિડનીઃ એશેજ સીરીઝ પહેલા ઓસ્ટ્રેલિયાના સ્ટાર બોલર મિચેલ સ્ટોર્કે ઇંગ્લેન્ડ ટીમને ચેતવણી આપી છે. સ્ટાર્કે ઓસ્ટ્રેલિયામાં ફર્સ્ટ ક્લાસ ક્રિકેટમાં એક જ મેચમાં બે હેટ્રિક લેનાર પ્રથમ બોલર બની ગયો છે. પોતાના આ શાનદાર પ્રદર્શનથી તેણે ઇંગ્લેન્ડ વિરૂદ્ધ એશેજ પહેલા શાનદાર ફોર્મમાં હોવાના સંકેત પણ આપ્યા છે.

ફર્સ્ટ ક્લાસ ક્રિકેટમાં આ રેકોર્ડ કરનારો આઠમો ખેલાડી મિચેલ બન્યો છે. મિચેલની શાનદાર બોલિંગને કારણે સિડનીમાં ન્યૂ સાઉથ બેલ્સે શેફીલ્ડ શીલ્ડે વેસ્ટર્ન ઓસ્ટ્રેલિયાને હરાવી દીધું હતું.

સ્ટાર્કે ન્યૂ સાઉથ વેલ્સની 171 રન જીતવા માટે જરૂરી હતી તે મેચમાં 97 રન આપી 7 વિકેટ મેળવી હતી. આ પહેલા ઓસ્ટ્રેલિયાના લેગ સ્પિનર જિમ્મી મેથ્યૂઝ એક માત્ર એવો બોલર છે જેમણે એક ટેસ્ટ મેચમાં બે હેટ્રિક લીધી છે. આ મેચ 1912માં દક્ષિણ આફ્રિકા સામે માનચેસ્ટરમાં રમાઈ હતી.