શમીએ સર્જયો ઈતિહાસ, ઝહીર-શ્રીનાથ જેવા દિગ્ગજ બોલરો પણ નથી બનાવી શક્યા આ ખાસ રેકોર્ડ, જાણો વિગત
abpasmita.in | 23 Jun 2019 07:34 AM (IST)
શમી મેચની અંતિમ ઓવરના હેટ્રિક લીધી હતી. જેની સાથે જ તે વર્તમાન વર્લ્ડકપમાં હેટ્રિક લેનારો પ્રથમ બોલર બન્યો હતો.
નવી દિલ્હીઃ વર્લ્ડ કપમાં શનિવારે અફઘાનિસ્તાન સામેની લો-સ્કોરિંગ મેચમાં બોલરોની અત્યંત ચુસ્ત બોલિંગની મદદથી ભારતે 11 રને વિજય મેળવ્યો હતો. ભારતના 224 રન સામે અફઘાનિસ્તાન 213 રનમાં સમેટાઈ ગયું હતું. ભુવનેશ્વરના સ્થાને ટીમમાં આવેલા મોહમ્મદ શમીએ ઈતિહાસ રચ્યો હતો. શમી મેચની અંતિમ ઓવરના હેટ્રિક લીધી હતી. જેની સાથે જ તે વર્તમાન વર્લ્ડકપમાં હેટ્રિક લેનારો પ્રથમ બોલર બન્યો હતો. મોહમ્મદ શમીએ 50મી ઓવરના ત્રીજા, ચોથા અને પાંચમા બોલે અનુક્રમે નાબી, આલમ અને રહેમાનને આઉટ કરીને હેટ્રિક ઝડપી હતી. નાબી લોન્ગ-ઓન પર કેચ આઉટ થયો હતો. જયારે આલમ અને રહેમાન બોલ્ડ થયા હતા.