મુસ્લિમ કટ્ટરવાદીઓના નિશાન પર ભારતીય ક્રિકેટરની ખૂબસૂરત પત્ની, જાણો કેવી કરી કોમેન્ટ્સ

જોકે, આ સમગ્ર વિવાદમાં ભારતીય ટીમના પૂર્વ ક્રિકેટર મોહમ્મદ કૈફે શમીની મદદે આવ્યો હતો. મોહમ્મદ કૈફે ટ્વિટ કરી લખ્યુ હતું કે, આ તસવીરો પર કોમેન્ટ શરમજનક છે. શમીને પુરી રીતે સપોર્ટ કરો. દેશમાં આનાથી પણ વધુ સારા મુદ્દાઓ છે. આશા છે કે લોકો સમજણ દર્શાવશે.

નવી દિલ્લીઃ ભારતીય ટીમના સ્ટાર બોલર મોહમ્મદ શમીએ સોશિયલ મીડિયા પર પોતાની પત્ની સાથેની એક તસવીર પોસ્ટ કરતા વિવાદ ઉભો થયો છે. ધાર્મિક કટ્ટરતા ધરાવતા લોકોએ શમીને ઇસ્લામનો હવાલો આપી તેની પત્ની પર અનેક ગંદી કોમેન્ટો કરી હતી. કેટલાક યુઝર્સે પત્નીને પડદામાં રાખવાની શમીને સલાહ આપી દીધી હતી.

શમીની આ તસવીરો જોઇને કેટલાક અસામાજિક તત્વો ભડકી ઉઠ્યા હતા. લોકોએ શમીને પત્નીને ધર્મના પાઠ ભણાવવાની પણ સલાહ આપી દીધી. કેટલાક યુઝર્સે શમી અને તેમની પત્નીને શરમ કરવા, ધર્મની ઇજ્જત કરવા અને પડદામાં રહેવાની પણ સલાહ આપી દીધી.

એક ફેસબુક યુઝરે કોમેન્ટમાં લખ્યુ હતું કે, શમી તારે તમારી પત્નીને પડદામાં રાખવી જોઇએ. તો અન્યએ લખ્યુ કે, તમારે મુસ્લિમ થઇને આવી તસવીરો પોસ્ટ કરતા શરમ આવી જોઇએ. તો કેટલાક યુઝર્સે શમીને ક્રિકેટર ઇરફાન પઠાણ પાસેથી શીખવાની પણ સલાહ આપી.

વાસ્તવમાં શમીએ પોતાની પત્ની હસીન જહાન સાથેની કેટલીક તસવીરો ફેસબુક પર પોસ્ટ કરી હતી. તસવીરોમાં શમીની વાઇફે સ્લીવલેસ ડ્રેસ પહેર્યો છે જેને લઇને લોકોએ વિરોધ નોંધાવ્યો હતો.