MI vs SRH : હૈદરાબાદને જીતવા માટે મુંબઇ ઇન્ડિયન્સે આપ્યો 163 રનનો પડકાર
abpasmita.in | 02 May 2019 08:14 PM (IST)
આઈપીએલ 2019માં મુંબઇ ઈન્ડિયન્સે અત્યાર સુધી 12 મેચ રમી છે. જેમાં સાત મેચમાં જીત મેળવી પોઈન્ટ ટેબલમાં ત્રીજા સ્થાન પર છે. જ્યારે હૈદરાબાદે 12માંથી છ મેચમાં જીતી મેળવી છે અને છ મેચમાં હારનો સામનો કરવો પડ્યો છે.
મુંબઇઃ ઇન્ડિયન પ્રિમિયર લીગની 12મી સીઝનમાં મુંબઇ ઇન્ડિયન્સે સનરાઇઝર્સ હૈદરાબાદને જીતવા માટે 163 રનનો લક્ષ્યાંક આપ્યો હતો. મુંબઇએ ટોસ જીતીને પ્રથમ બેટિંગ કરવાનો નિર્ણય લીધો હતો. મુંબઇ તરફથી ડી કોકે અણનમ 69 રનની ઇનિંગ રમી હતી. મુંબઇની ટીમ 20 ઓવરમાં પાંચ વિકેટના નુકસાન પર 162 રન બનાવી શકી હતી. હૈદરાબાદ તરફથી ખલીલ અહેમદે ત્રણ અને ભુવનેશ્વર કુમાર અને મોહમ્મદ નબીએ એક-એક વિકેટ ઝડપી હતી. હૈદરાબાદ પોઇન્ટ ટેબલમાં 12 પોઇન્ટ સાથે ચોથા સ્થાન પર છે જ્યારે મુંબઇ ઇન્ડિયન્સ 12 મેચમાં 14 પોઇન્ટ્સ સાથે ત્રીજા સ્થાન પર છે.