Nidahas Trophy: ટીમ ઇન્ડિયાએ બીજી T-20 મેચમાં બાંગ્લાદેશને 6 વિકેટથી હરાવ્યું, શિખર ધવનની અડધી સદી

બાંગ્લાદેશ તરફથી લિટન દાસે સર્વાધિક 34 રન બનાવ્યા હતા. તે સિવાય શબ્બીર રહેમાને 30 રન બનાવ્યા હતા. ચોથી મેચ શ્રીલંકા અને ભારત વચ્ચે 12 માર્ચે રમાશે.

રોહિત શર્મા 17 રન બનાવી મુસ્તાફિઝુરની ઓવરમાં બોલ્ડ થયો હતો. રિષભ પંત પણ 7 રન બનાવી રુબેલની ઓવરમાં કેચ આઉટ થયો હતો. રૈના 28 રન, મનીષ પાંડેએ 27 રન બનાવ્યા હતા.

કોલંબોઃ ભારતીય ટીમે નિધાસ ટ્રોફી ત્રિકોણીય ટી-20 સીરીઝની પોતાની બીજી મેચમાં બાંગ્લાદેશને 6 વિકેટથી પરાજય આપ્યો હતો. ટીમ ઇન્ડિયા તરફથી શિખર ધવને સર્વાધિક 55 રન બનાવી પોતાની શાનદાર અડધી સદી ફટકારી હતી. જ્યારે ફાસ્ટ બોલર જયદેવ ઉનડકટે 4 ઓવરમાં 38 રન આપી 3 વિકેટ ઝડપી હતી અને વિજય શંકરે 2 વિકેટ ઝડપી હતી. ચહલ અને શાર્દુલે 1-1 વિકેટ ઝડપી હતી. 

ભારતે ટોસ જીતીને પ્રથમ બટિંગ કરવા બાંગ્લાદેશને આમંત્રણ આપ્યું હતું. પ્રથમ બેટિંગ કરતા બાંગ્લાદેશે 20 ઓવરમાં 8 વિકેટ ગુમાવી ટીમ ઈન્ડિયાને 140 રનનો લક્ષ્યાંક આપ્યો  હતો.તેની સામે ટીમ ઈન્ડિયાએ 18 ઓવરને 4 બોલમાં 140 રનનો લક્ષ્યાંક પૂર્ણ કરી જીત મેળવી હતી.