7 Month Pregnant Olympian Nada Hafez at Paris 2024: રમતના મેદાનમાં કેટલીય એવી ઘટનાઓ ઘટે છે જેનાથી બધા ચોંકે છે. હાલમાં પેરિસ ઓલિમ્પિક 2024માં આવી જ એક ઘટના ઘટી છે જેને જાણ્યા બાદ આખી દુનિયા દંગ રહી ગઇ છે. ઓલિમ્પિક્સના ત્રીજા દિવસે એક સામાન્ય સેબર મેચ રમાઈ રહી હતી, જેમાં ઈજિપ્ત અને યૂનાઈટેડ સ્ટેટ્સ 32 ના મહિલા વ્યક્તિગત સેબર ટેબલમાં ભાગ લઈ રહ્યાં હતા. ઇજિપ્તનો ફેન્સર આ મેચ જીતવામાં સફળ રહ્યો હતો. આ પછી મહિલા વ્યક્તિગત સેબરના 16 ના ટેબલમાં ઇજિપ્ત અને દક્ષિણ કોરિયા વચ્ચે મેચ હતી. પરંતુ આમાં ઇજિપ્તના ફેન્સરને દક્ષિણ કોરિયાના ફેન્સરથી હારનો સામનો કરવો પડ્યો હતો. આ હાર બાદ ઈજિપ્તના એક ફેન્સરની ઈન્સ્ટાગ્રામ પોસ્ટે દુનિયાભરમાં હેડલાઈન્સ બનાવી છે. તે ઇજિપ્તની ફેન્સર નાડા હાફિઝ હતી.
કેમ ચર્ચામાં આવી નાડા હાફિઝ
મહિલા વ્યક્તિગત સેબર ઈવેન્ટના 16ના ટેબલમાં દક્ષિણ કોરિયાની ખેલાડી સામે હાર્યા બાદ નાડા હાફિઝે ઈન્સ્ટાગ્રામ પર એક પોસ્ટ શેર કરી જેમાં તેણે મોટો ખુલાસો કર્યો. તેણે જણાવ્યું કે તે સાત મહિનાની ગર્ભવતી (પ્રેગનન્ટ) છે. મેચના થોડા કલાકો પછી નાડા હાફિઝે ઇન્સ્ટાગ્રામ પર પૉસ્ટ કર્યું, "7 મહિનાની ગર્ભવતી ઓલિમ્પિયન! તમે પૉડિયમ પર જોયેલા બે ખેલાડીઓ ખરેખર ત્રણ હતા! હું, મારી હરીફ અને મારી ભાવિ નાની છોકરી!"
નાડા હાફિઝે તેની પોસ્ટમાં લખ્યું છે- "મારા બાળક અને મેં બંને શારીરિક અને ભાવનાત્મક પડકારોનો સામનો કર્યો હતો. ગર્ભાવસ્થાનો રૉલરકૉસ્ટર પોતાનામાં અઘરો છે, પરંતુ જીવન અને રમત વચ્ચે સંતુલન જાળવવાની લડાઈ અત્યંત અઘરી હતી, પરંતુ તે બધું જ મૂલ્યવાન હતું. "
નાડા હાફિઝે પોતાના પતિ અને પરિવારનો માન્યો આભાર
નાડા હાફિઝે તેના પતિ અને પરિવારનો આભાર માન્યો, જેમણે તેને સંપૂર્ણ સમર્થન આપ્યું. નાડા હાફિઝે પોતાની પોસ્ટમાં લખ્યું છે - "હું આ પોસ્ટ લખી રહી છું એ કહેવા માટે કે મને ગર્વ છે કે હું છેલ્લા 16માં મારું સ્થાન મેળવી શકી છું! હું નસીબદાર છું કે મને મારા પતિ અને મારા પરિવારનો વિશ્વાસ અને સાથ મળ્યો, જેના કારણે હું સફળ રહી. અહીં પહોંચો આ સ્પેશિયલ ઓલિમ્પિક અલગ હતું, ત્રણ વખતના ઓલિમ્પિયનો પણ આ વખતે એક નાના ઓલિમ્પિયન સાથે લઇને!
પહેલી મેચ જીતીને બીજી મેચ હારી ગઇ નાડા હાફિઝ
નાડા હાફિઝે તેની પ્રથમ મેચમાં અમેરિકાની એલિઝાબેથ ટાર્ટાકોવસ્કીને 15-13થી હરાવ્યો હતો. પરંતુ બીજી મેચમાં તે કોરિયાની જીઓન હ્યોંગ સામે 7-15થી હારી ગઈ હતી. નાડાની આ ત્રીજી ઓલિમ્પિક સ્પર્ધા હતી.