બાંગ્લાદેશ સામેની મેચ પહેલા પાકિસ્તાની ટીમ અને ફેન્સને આશા હતી, પરંતુ બાંગ્લાદેશની ટીમે તેમના બેટ્સમેનોને 9 વિકેટ પર 315 રન રોકી દેતા સેમી ફાઈનલમાં પહોંચવાનું સપનું ચકનાચૂર થયું હતું. સેમી ફાઈનલમાં પહોંચવા માટે પાકિસ્તાનની ટીમને ઓછામાં ઓછા 308 રનથી જીત મેળવવી જરૂરી હતી.
બાંગ્લાદેશ અને પાકિસ્તાનની મેચમાં સ્પષ્ટ થવાનું હતું કે પાકિસ્તાનની સેમી ફાઈનલમાં પહોંચવાની સંભાવના છે કે નહી. જ્યારે પાકિસ્તાની ટીમે 315 રન બનાવ્યા ત્યારે તેમણે વિરોધી ટીમને માત્ર 7 રન અથવા ઓછા રને આઉટ કરવાની હતી, પરંતુ તે સંભવ નહોતું. બાંગ્લાદેશની ટીમે 8 રન બનાવતા જ પાકિસ્તાની ટીમ મેચના પરિણામ પહેલા જ સેમી ફાઈનલની રેસમાંથી બહાર થયું હતું.