તેમણે કહ્યું કે, આ કેસમાં ભારતને ચૂકવવામાં આવેલી રકમ ઉપરાંત અન્ય ખર્ચ, કાયદાકીય ફી અને પ્રવાસથી સંબંધિત હતા. PCBએ ગત વર્ષે BCCI વિરુદ્ધ ICCની વિવાદ સમાધાન સમિતિ સામે આશરે 7 કરોડ અમેરિકન ડૉલર (આશરે 480 કરોડ રૂપિયા)ના વળતરનો દાવો કરતા કેસ નોંધાવ્યો હતો.
PCBએ બીસીસીઆઈ પર બંને બોર્ડ વચ્ચે થયેલા કરારનું સન્માન ન કરવાનો આરોપ લગાવતા કેસ દાખલ કરાવ્યો હતો. આ કરાર અનુસાર 2015થી 2023 સુધી ભારતને પાકિસ્તાન વિરુદ્ધ 6 દ્વિપક્ષીય સીરિઝમાં રમવાનું હતું, જેને ભારતીય ક્રિકેટ બોર્ડે ન માન્યો. BCCIની દલીલ હતી કે, તે પાકિસ્તાન સાથે એ કારણે નથી રમી રહ્યું, કેમ કે સરકારે આની મંજૂરી આપી નથી. ભારતે પાકિસ્તાનના એ દાવાને પણ ફગાવી દીધો હતો જેમાં તેમણે કરાર કાયદાકીય રીતે બાધ્ય હોવાનું જણાવ્યું હતું. BCCIએ કહ્યું કે, તે માત્ર પ્રસ્તાવ હતો.