બીજી રાઉન્ડમાં જીતનીસાથે જ એક બીજી ઘટનાને કારણે નડાલ ચર્ચામાં છે. આ મેચ દરમિયાન જ્યારે તે ત્રીજા સેટમાં 4-1થી આગલ હતા, ત્યારે એક એવી ઘટના બની જે વાયરલ થઈ હી છે.
મેચના ત્રીજા સેટમાં 4-1થી જ્યારે નડાલ આગળ હતો, ત્યારે નડાલનો એક રિટર્ન કોર્ટની બહાર ગયો અને ત્યાં ઉભેલી છોકરીને વાગ્યો. જે ચેયર અમ્પાયરની નજીક ઉભી હતી. ત્યાર બાદ 19 ગ્રાન્ડ સ્લેમ ચેમ્પિયન નડાલે એ છોકરીથી માફી માંગી અને ગાલ પર ચુંબન કર્યું. આ ઘટનાનો એક વીડિયો હાલ સોશિયલ મીડિયા પર જબરદસ્ત રીતે વાયરલ થઈ રહ્યો છે.
બાદમાં 33 વર્ષીય ટેનિસ સ્ટાર તે બોલ ગર્લ અનિતા અને તેના માતા-પિતાને મળ્યો હતો. નડાલે અનિતાને એક ટોપી ગિફ્ટ આપી હતી જેના પર તેણે લખ્યું હતું કે, મારી મિત્ર અનિતાને, ઓલ ધ બેસ્ટ.
નડાલે અનિતા સાથે એક સેલ્ફી લીધી હતી અને સોશિયલ મીડિયા પર અપલોડ કરીને લખ્યું હતું કે, હું ખુશ છું કે અનિતાને વાગ્યુ નથી અને તે સારી છે. મને તેના માતા-પિતા અને ભાઈ માર્કને મળવાની તક મળી. થેન્ક યુ. આ ઘટના અંગે અનિતાએ જણાવ્યું હતું કે તેણે ક્યારેય ન હતું વિચાર્યું કે તેને વિશ્વના નબર વન ખેલાડી સાથે બેસવાની તક મળશે. અનિતા નડાલના આ વર્તનથી ઘણી જ ખુશ થઈ હતી.