સચિને અનોખા અંદાજમાં કાંબલીને કર્યું બર્થડે વિશ, કહ્યું- 'તુમ જિયો હજારો સાલ'

નોંધનીય છે કે, સચિન અને કાંબલીની વચ્ચે સંબંધો સુધરી ચૂક્યા છે અને હવે આ બન્ને મિત્રોની વચ્ચે ખુબ વાતચીત પણ થાય છે. તાજેતરમાં જ પોતાની ક્રિકેટ એકેડેમીના લૉન્ચિંગ પ્રસંગે કાંબલીએ એ જણાવ્યું હતું કે તેમને કૉચિંગની જવાબદારી પોતાના મિત્ર સચિન તેંદુલકરના કહેવાથી સંભાળી.

કાંબલીએ કહ્યું કે, 'સચિન તેંદુલકરને ખબર છે કે મને ક્રિકેટથી કેટલો પ્રેમ છે, એટલા માટે તેમને મને કહ્યું કે કૉચિંગ કેમ નથી શરૂ કરતાં. મને તેમને એકવાર ફરી ક્રિકેટ ફિલ્ડ પર પરત ફરવાનું કહ્યું.'

વિનોદ કાંબલી ભારત માટે 17 ટેસ્ટ અને 104 વનડે મેચ રમ્યો છે. કાંબલીએ ટેસ્ટ ક્રિકેટમાં 54.20ની એવરેજથી 1084 રન અને વનડેમાં 33ની એવરેજથી 2477 રન કર્યા છે. તેને ટેસ્ટમાં 4 અને વનડેમાં 2 સદી પણ ફટકારી છે.

સચિને સોશ્યલ મીડિયા પર પોતાની અને વિનોદ કાંબલીનો એક જુનો ફોટો શેર કરતાં લખ્યુ, 'તુમ જિયો હજારો સાલ, સાલ કે દિન હો હજાર. વિનોદ કાંબલી તમને જન્મદિવસની ખુબ ખુબ શુભેચ્છાઓ'

સચિને પોતાના દોસ્ત કાંબલીને અનોખા અંદાજમાં વિશ કર્યુ, જેના પરથી એવું બિલકુલ ના લાગ્યુ કે આ બન્ને મિત્રો વચ્ચે ક્યારેક મતભેદ થયો હતો.

મુંબઇઃ ટીમ ઇન્ડિયાના પૂર્વ મહાન ખેલાડી માસ્ટર બ્લાસ્ટર સચિન તેંદુલકરે પોતાના બાળપણના મિત્ર અને પૂર્વ ભારતીય ક્રિકેટર વિનોદ કાંબલીને ખાસ અંદાજમાં જન્મદિવસની શુભેચ્છા પાઠવી છે. કાંબલીનો ગુરવારે 46મો જન્મદિવસ હતો.