ઈમરાન ખાનના શપથ ગ્રહણ સમારોહમાં સામેલ નહીં થાય સુનીલ ગાવસ્કર, આપ્યું આ કારણ

ગાવસ્કરે જણાવ્યું કે, એક ક્રિકેટર હોવાના કારણે ઇમરાન ખાન અનેક વખત ભારત આવ્યા. તે ભારતને સમજે છે. તેથી ભારત-પાકિસ્તાન સંબંધો સુધરવાની મને પૂરી આશા છે.

પાકિસ્તાન તહરીક-એ-ઈંસાફના ચીફ ઇમરાન ખાન 18 ઓગસ્ટના રોજ વડાપ્રધાન પદના શપથ લેશે. જેમાં સામેલ થવા ઈમરાન ખાને તેના મિત્ર અને ક્રિકેટર સુનીલ ગાવસ્કરેને આમંત્રણ આપ્યું હતું.

સુનીલ ગાવસ્કરે શપથ ગ્રહણમાં ન જવા માટે ઈંગ્લેન્ડમાં ચાલી રહેલી ટેસ્ટ શ્રેણી દરમિયાન પોતાનો વ્યસ્ત કાર્યક્રમ ગણાવ્યો. ગાવસ્કરે ઈમરાન ખાનને ફોન કરીને વાતની જાણ કરવા સાથે જીત માટે અભિનંદન પણ આપ્યા.

લોર્ડ્સઃ ભારતીય ક્રિકેટ ટીમના પૂર્વ કેપ્ટન સુનીલ ગાવસ્કર પાકિસ્તાનના ભાવિ વડાપ્રધાન ઈમરાન ખાનના શપથ ગ્રહણ સમારોહમાં સામેલ નહીં થાય. ગાવસ્કરે ખુદ ઇમરાન ખાનને ફોન કરીને જાણકારી આપી છે.