ટીમ ઈન્ડિયા માટે રેન્કિંગ પોઇન્ટમાં સર્જાયો અનોખો સંયોગ, ત્રણેય ફોર્મેટમાં થયા 121 પોઇન્ટ

સતત બે જીતથી ઉત્સાહિત ટીમ ઇન્ડિયા સાઉથ આફ્રિકા સામે વન-ડે સીરિઝમાં 3-0ની લીડ લેવાની કોશિશ કરશે. સેંચુરિયનમાં જીત બાદ ભારત આઇસીસી વનડે આંતરરાષ્ટ્રીય રેન્કિંગમાં ટોચ પર પહોંચ્યું અને કેપટાઉનમાં જીતથી તે વધારે મજબૂત થશે. પરંતુ દક્ષિણ આફ્રિકાની જીત ભારતને પુનઃ નંબર-2 પર ધકેલી દેશે.

હાલ ભારતીય ટીમ ટેસ્ટમાં જ નહીં વન-ડેમાં પણ નંબર-1 પર છે. ટી-20 ઇન્ટરનેશનલમાં બીજા પર છે. આ ત્રણેય ફોર્મેટમાં ભારતના એક સરખા 121 પોઇન્ટ છે.

દુબઈઃ ટીમ ઈન્ડિયા આઈસીસીના રેન્કિંગમાં પણ દબદબો બનાવી ચૂકી છે. ક્રિકેટના ત્રણેય ફોર્મેટમાં વિરાટ બ્રિગેડે તેના શાનદાર પ્રદર્શનથી મજબૂતીથી આગળ વધી રહી છે. આઈસીસી રેન્કિંગ તેનું સાક્ષી છે.