હાર્દિક-કૃણાલ પંડ્યાએ એક વીડિયો પોસ્ટ કર્યો હતો જેમાં બંને ભાઈ લક્ઝુરિયસ ઘરમાં જ ક્રિકેટ રમતા જોવા મળી રહ્યાં છે. વીડિયોની સાથે તેમણે લખ્યું હતું કે, તમે બધાં સુરક્ષિત રહો. બહાર ન નીકળો. તમે ઘરે જ મસ્તી કરી શકો છો જેવી રીતે મેં અને મારા ભાઈએ કરી. આવામાં અમે બધાંને એ અપીલ કરીએ છીએ કે, તમે બધાં લોકડાઉનનું પાલન પૂરી રીતે કરો.
વીડિયોમાં જોઈ શકાય છે કે, કૃણાલ પંડ્યા બેટિંગ કરી રહ્યો છે જ્યારે હાર્દિક પંડ્યા બોલિંગ. ફિલ્ડર તરીકે કૃણાણની વાઈફ પંખુડી શર્મા જોવા મળી રહી છે.
તમને જણાવી દઈએ કે, હાર્દિક પંડ્યા ઈજા બાદ કમબેક કરવા માટે તૈયાર હતો. તેણે પ્રેક્ટિસ પણ શરૂ કરી દીધી હતી પરંતુ કોરોનાને કારણે IPL સ્થગિત કરી દેવામાં આવી એટલે હવે તેને કમબેક માટે રાહ જોવી પડશે.