રિષભ પંતને ટીમમાં સ્થાન નથી મળ્યું. જ્યારે અંબાતી રાયડૂને પણ ટીમમાંથી સ્થાન આપવામાં નથી આવ્યું. આ બન્નેને ટીમમાંથી બહાર કર્યા બાદ અનેક ક્રિકેટ દિગ્ગજે ટીમની પસંદગી પર સવાલ ઉઠાવ્યા છે. ત્યાં સુધી કે ક્રિકેટની સૌથી મોટી સંસ્થા આઈસીસીએ પણ અંબાતી રાયડૂને સ્થાન ન મળતા સવાલ ઉભા કર્યા છે
આઈસીસીએ ટ્વિટ કરીને કહ્યું કે, ભારતના વનડે ક્રિકેટમાં સૌધી વધુ બેટિંગ સરેરાશ (ઓછામાં ઓછી 20 ઇનિંગ):
1. વિરાટ કોહીલ – 59.57
2. મહેન્દ્ર સિંહ ધોની – 50.37
3. રોહિત શર્મા – 47.39
4. અંબાતી રાયડૂ – 47.05
5. સચિન તેંડુલકર- 44.83
રાયડૂને ભારતની ટીમમાંથી બહાર રાખવામાં આવ્યો છે. શું તમને લાગે છે કે તેને ટીમમાંથી બહાર કરવો જોઈતો હતો?
વિતેલા ઘણાં દિવસથી આ ખેલાડીને ભારતીય ક્રિકેટ ટીમમાં નંબર ચારનો બેટ્સમેન ગણવામાં આવતો હતો. આ ખેલાડીએ વિતેલા કેટલાક મેચમાં શાનદાર પ્રદર્શન પણ કર્યું હતું. પરંતુ આ ખેલાડીને તક ન મળી. વિરાટ કોહલી, મહેન્દ્ર સિંહ ધોની રોહિત શર્મા બાદ સૌથી વધારે 20 ઇનિંગમાં આ ખેલાડીની સેરરાશ છે. તમને જાણીને આશ્ચર્ય થશે કે સચિન કરતાં તેની સરેરાશ વધારે છે.