નવી દિલ્હીઃ દક્ષિણ આફ્રીકા વિરૂદ્ધ ત્રણ મેચની ટી20 સીરિઝ માટે 29 ઓગસ્ડના રોજ ભારતીય ટીમની જાહેરાત કરી જેમાં ધોનીને સ્થાન ન મળ્યું. જ્યારે હાર્દિક પંડ્યાની 15 સભ્યોની ટીમમાં વાપસી થઈ છે.

ટીમમાં ધોનીને ટીમમાં સ્થાન ન આપવાને લઈને હવે મોટો ખુલાસો થયો છે. સિલેક્ટર્સ સમિતીના પ્રમુખ એમએસકે પ્રસાદે ઇન્ડિયા ટુડે સાથે વાતચીતમાં ખુલાસો કર્યો છે જેના કારણે ધોનીને આફ્રીકા વિરૂદ્ધ ટી20 સીરિઝ માટે ટીમમાં સ્થાન ન મળ્યું. પ્રસાદે કહ્યું કે, ધોની પસંદગી માટે ઉપલબ્ધ ન હતા.

ઉલ્લેખનીય છે કે, મહેન્દ્ર સિંહ ધોની આઈસીસી વર્લ્ડ 2019 બાદથી ક્રિકેટથી દૂર છે. હાલમાં જ ધોની ટેરિટોરિયલ આર્મી યૂનિટની સાથે કાશ્મીરમાં 15 દિવસ વિતાવીને પરત ફર્યા છે. જણાવીએ કે, ભારત અને સાઉથ આફ્રીકાની વચ્ચે 3 મેચની ટી20 સિરીઝ 15 સપ્ટેમ્બરથી શરૂ થશે.