લગ્નની ઓફર આપનાર આ ક્રિકેટરને વિરાટ કોહલીએ આપી હતી ખાસ ગિફ્ટ, હવે ભારત વિરૂદ્ધ તેને બનાવશે હથિયાર

જોકે બાદમાં વિરાટે આ પ્રસ્તાવને નકારી દીધો હતો, પરંતુ તેને બદલામાં તેણે વેટને પોતાનું બેટ ભેટમાં આપ્યું હતું. બન્ને વચ્ચે થયેલ આ મુલાકાતની ત્યારે મીડિયામાં ખૂબ ચર્ચા થઈ હતી. વેટે વિરાટ કોહલી પાસેથી મળેલ બેટનું નામ બીસ્ટ રાખ્યું છે.

વર્ષ 2014માં ભારતના ઇંગ્લેન્ડ પ્રવાસ પર ડેનિયલ વેટે વિરાટ કોહલી સાથે મુલાકાત કરી હતી. ત્યારે ભારતીય કેપ્ટને તેને પોતાનું બેટ ભેટમાં આપ્યું હતું. વેટ એ જ વર્ષે ટી20 વર્લ્ડ કપમાં દક્ષિણ આફ્રીકા વિરૂદ્ધ વિરાટની 72 રનની ઇનિંગથી ખૂબ જ પ્રભાવિત થઈ હતી અને તેણે ભારતીય બેટ્સમેનને લગ્નની ઓફર કરી હતી. ત્યારે તેણે આ મામલે ટ્વિટ પણ કર્યું હતું.

વિરાટને લગ્નની ઓફર પણ આપી હતી, જેના પર વિરાટે પોતાની પ્રશંસકને ખુદને બેટ ભેટમાં આપ્યું હતું. કહેવાય છે કે વેટે વિરાટના આ બેટથી જ ટી20માં મુશ્કેલ સેન્ચુરી ફટકારી હતી. અહેવાલ અનુસાર ભારતમાં માર્ચના અંતમાં રમાનારી ત્રિકોણીય સીરીઝમાં વેટ વિરાટના આ જ બેટનો ઉપયોગ ભારત વિરૂદ્ધ કરશે. આ પહેલા આપેલ એક ઇન્ટરવ્યૂમાં ઇંગ્લેન્ડની આ ખેલાડીએ કહ્યું હતું કે, હવે તે વિરાટ દ્વારા આપવામાં આવેલ બેટનો જ ઉપયોગ કરે છે.

નવી દિલ્હીઃ વિતેલા વર્ષે વર્લ્ડ કપ જીત્યા બાદથી ઇંગ્લેન્ડની મહિલા ક્રિકેટ ટીમ સતત શાનદાર પ્રદર્શન કરી રહી છે. હાલમાં જ ઇંગ્લેન્ડની મેજબાન ઓસ્ટ્રેલિયા વિરૂદ્ધ ટી20 સીરીઝમાં 2-1થી જીત નોંધાવી હતી. ત્યારે ઇંગ્લેન્ડના ડેનિયલ વેટે ટી20માં માત્ર 56 બોલમાં સેન્ચુરી ફટકારને સૌને ચોંકાવી દીધા હતા. ખાસ વાત એ છે કે આ ડેનિયલ વેટ ભારતીય ક્રિકેટ ટીમના કેપ્ટન વિરાટ કોહલીની મોટી ફેન છે.