માલ્યાએ બારબાડોસ ટ્રીડેંટ્સની ટીમને 2016માં ખરીદી હતી. આ ટીમનાં ખેલાડીઓને ગત સીઝનની ફીસ અને કૉન્ટ્રાક્ટની રકમ હજુ સુધી આપી નથી. ગત સીઝન સપ્ટેમ્બર 2018માં પૂર્ણ થઈ હતી. માલ્યા અત્યારે બેંક સાથે છેતરપિંડી કર્યા બાદ બ્રિટનમાં છે. માલ્યા પાસે ઇન્ડિયન પ્રીમિયર લીગની ટીમ રૉયલ ચેલેન્જર્સ બેંગલોરના માલિકી હક પણ હતા.
કેરેબિયન લીગનાં સીઈઓ ડોનોહોએ ગુયાન ક્રોનિકલથી વાતચીતમાં કહ્યું કે, “આ મારા માટે સૌથી મોટો માથાનો દુ:ખાવો છે. પરંતુ બારબાડોસ સંબંધિત આ મુદ્દો આવતા બે-ત્રણ અઠવાડિયામાં ઉકેલાઈ જશે. અમે આના માલિકીનાં હકમાં બદલાવ કરીશું. આશા છે કે આવતા બે અઠવાડિયામાં અમે આવું કરી શકીશું.”