વીરેન્દ્ર સેહવાગની વધુ એક ફની ટ્વીટ થઈ વાયરલ, જાણો આ વખતે કોણ ચડ્યું હડફેટે

નવી દિલ્હીઃ પૂર્વ ક્રિકેટર અને કોમેન્ટેટર વીરેન્દ્ર સેહવાગ હંમેશા પોતાની સેન્સ ઓફ હ્યૂમર માટે ઓળખાય છે. કોઈની જન્મદિવસની શુભેચ્છા આપવાની હોય કે કોઈને અભિનંદન પાઠવવાના હોય. વીરેન્દ્ર સેહવાગ હંમેશા આગળ રહે છે. તે દરેક ખેલાડીને પોતાના અંદાજમાં અભિનંદન પાઠવે છે. તેની કોમેન્ટ્રીથી લઈને તેના ટ્વીટ્સ સુધી બધા તેના આ અંદાજના ફેન છે. આ વખતે તેણે શાનદાર ટ્વીટ કર્યું છે. જેના કારણે ફરી તે ચર્ચામાં આવી ગયા છે.

સેહવાગે આના પછી પાર્થિવ પટેલને ટેગ કરીને લખ્યું કે, ‘ભાઈ વિકેટકીપિંગ ગ્લવ્સ છે કે અહીંથી મોકલું?’ તેની આ ટ્વીટ લોકોને ખૂબ પસંદ આવી રહી છે અને તેને અત્યાર સુધી 11 હજારથી વધુ લાઈક્સ અને 1300થી વધુ રિ-ટ્વીટ્સ થઈ ચૂકી છે.

સેહવાગે ટ્વીટર પર એક તસવીર પોસ્ટ કરી છે જેમાં હાથના પંજા આકારની રોટલી દેખાઈ રહી છે. આના કેપ્શનમાં તેણે લખ્યું કે, ‘નવી નવેલી દુલ્હન આવી, પતિએ કહ્યું તારા હાથની રોટલી બનાવીને ખવડાવ.’ આ ટ્વીટ ખૂબ પસંદ કરવામાં આવી રહી છે.