વીરેનદ્ર સેહવાગઃ પત્ની એવી ગર્દન છે જે માથાને ચારુ બાજુ ફેરવે છે, ટ્વીટ થયું વાયરલ

ઉલ્લેખનીય છે કે, ભારતના પૂર્વ વિસ્ફોટક ઓપનર વીરેન્દ્ર સેહબાગ હવે એ કમિટીનો ભાગ છે જે ખેલ રત્ન એવોર્ડ અને અર્જુન એવોર્ડ મેળવનારા ખેલાડીઓની પસંદગી કરશે. તેની સાથે સાથે પૂર્વ દિગ્ગજ એથલીટ પીટી ઉષા પણ આ કમિટીનો હિસ્સો છે. સેહવાગ અને પી.ટી. ઉષાને ચાલુ વર્ષે ખેલ રત્ન અને અર્જુન એવોર્ડની પસંદગી માટે રચવામાં આવેલ 12 સભ્યની સમિતિમાં સામેલ કરવામાં આવ્યા છે.

જ્યારે હાલમાં જ તેમણે પત્ની આરતીની સાથે એક તસવીર ટ્વિટ કરતા લખ્યું કે, 'પત્નીજી મને રાજા બોલાવે છે, આ એક પ્રકારની શતરંજ જેવું છે. રાજા માત્ર એક જ ડગલું ચાલી શકે છે જ્યારે રાણી જે ઈચ્છે તે કરી શકે છે.'

આ પહેલા પણ આઈપીએલ દરમિયાન વીરેન્દ્ર સેહવાગે ટ્વિટ પર થિયેટરમાં મેચ જોતા તસવીર શેર કરી હતી. અને લખ્યું હતું કે, 'એક ખુશ પત્નીનો મતલબ છે સુખી જીવન. થિયેટરમાં પત્ની ફિલ્મ જોઈ રહી છે, અને હું મેચ. પત્ની પણ ખુશ અને હું પણ ખુશ.'

પૂર્વ ભારતીય ખેલાડી વીરેન્દ્ર સેહવાગ મોટેભાગે ટ્વિટર દ્વારા ચર્ચાઓમાં રહે છે. હવે શનિવારે સેહવાગે કંઈક એવું ટ્વિટ કર્યું જે વાયરલ થઈ રહ્યું છે. તેમણે પત્ની આરતીની સાથે તસવીર શેર કરી અને લખ્યું કે 'પતિ પરિવારનો હેડ હોય છે, અને પત્ની ગર્દન જે માથાને ચારે બાજુ ફેરવે છે. જો બીવી સે કરે પ્યાર, વો સેલ્ફી સે કૈસે કરે ઇનકાર'. વીરૂનું આ ટ્વીટ અંદાજે 3000 વખત રિટ્વીટ કરવામાં આવ્યું જ્યારે 40 હજારથી વધારે વખત લાઈક કરવામાં આવ્યું છે.