નિકોલસ પૂરન 12 રન બનાવીને બેટિંગ કરી રહ્યો હતો ત્યારે તેણે 30મી ઓવરના પહેલાં બોલ પર શોટ ફટકાર્યો અને બોલને હવામાં બાઉન્ડ્રીની પાર પહોંચાડી દીધો હતો. દિલચસ્પ એ રહ્યું હતું કે, તેની આ સિક્સરે સ્ટેડિયમની છત તોડી નાંખી હતી.
રિપ્લેમાં જોવા પર ખબર પડી કે બોલ છતના જે ભાગ પર પડ્યો ત્યાં છતમાં કાણું પડી ગયું હતું. એટલું જ નહીં, આ શોર્ટ બાદ બોલના ચીથરા ઉડી ગયા હતા એટલે કે દોરા પણ બહાર આવી ગયા હતા.
બોલ પેવેલિયનમાંથી પરત આવ્યા બાદ એમ્પાયરે બોલને જોઈને બદલી નાંખ્યો હતો. આ વીડિયો લોકોએ વારંવાર જોઈ રહ્યા છે. નિકોલસ પૂરન એ 30 બોલ પર 1 સિક્સ અને 1 ચોગ્ગો ફટકારી 25 રન બનાવીને શાકિબ અલ હસનની ઓવરમાં આઉટ થઈ ગયો હતો.