ગેલે તેની જાણીતી શૈલીમાં બેટિંગ કરતાં 97 બોલમાં 11 ચોગ્ગા અને 14 છગ્ગાની મદદથી 162 રન બનાવ્યા હતા. આ સાથે જ તે ઈન્ટનેશલ ક્રિકેટમાં 500 સિક્સર મારનારો વિશ્વનો પ્રથમ ક્રિકેટર બની ગયો છે. હાલ ગેલના નામે આંતરરાષ્ટ્રીય ક્રિકેટમાં 506 સિક્સર બોલે છે. જેમાં ટેસ્ટમાં 98, ટી20માં 103 અને વન ડે ક્રિકેટમાં 305 સિક્સર છે.
ઈનિંગ દરમિયાન ક્રિસ ગેસે વન ડે ક્રિકેટમાં 10,000 રન પણ પૂરા કર્યા હતા. તેણે 288મી વન ડેમાં આંકડો પાર કર્યો છે. વન ડે ક્રિકેટમાં અત્યાર સુધીમાં માત્ર 14 ક્રિકેટર જ 10,000 રનનો આંકડો પાર કરી શક્યા છે. ક્રિસ ગેલ વેસ્ટ ઈન્ડિઝનો બીજો ક્રિકેટર છે. તેની પહેલા લારાએ આ સિદ્ધી હાંસલ કરી ચુક્યો છે.
વન ડે સીરિઝ કે ટૂર્નામેન્ટમાં સૌથી વધારે સિક્સરનો રેકોર્ડ પણ બનાવી લીધો છે. ઈંગ્લેન્ડ સામે ચોથી વન ડેમાં ગેલે 14 સિક્સ ફટકારવની સાથે જ સીરિઝમાં 30 છગ્ગા મારવાનો વર્લ્ડ રેકોર્ડ પણ બનાવી ચુક્યો છે. સીરિઝમાં હજુ એક મેચ બાકી છે. સીરિઝ કે ટૂર્નામેન્ટમાં સૌથી વધારે સિક્સ મારવાનો પોતાનો જ રેકોર્ડ તેણે તોડ્યો છે. આ પહેલા 2015ના વર્લ્ડકપમાં 6 ઈનિંગમાં તેણે 26 સિક્સ મારી હતી. આ ઉપરાંત વેસ્ટ ઈન્ડિઝમાં રમતી વખતે વિરોધી ટીમ સામે સૌથી વધારે સિક્સ મારવાનો રેકોર્ડ પણ તેના નામે કરી લીધો છે.
વેસ્ટ ઈન્ડિઝ તરફથી સૌથી ઝડપી સદી મારવાના મામલે તે બીજા નંબર પર આવી ગયો છે. ઇંગ્લેન્ડ સામે તેણે 55 બોલમાં સદી પૂરી કરી હતી. 1999માં બ્રાયન લારાએ 45 બોલમાં સદી ફટકારી હતી. ક્રિસ ગેલની આંતરરાષ્ટ્રીયમાં 25 સદી થઈ ગઈ છે. આ ઉપરાંત તેણે વેસ્ટઈન્ડિઝમાં 4000 વન ડે રન અને ઈંગ્લેન્ડ સામે 3000 વન ડે રનનો આંકડો પણ પાર કર્યો હતો.
વાંચોઃ INDvAUS: મેક્સવેલના વાવાઝોડામાં ઉડી ટીમ ઈન્ડિયા, T20 શ્રેણીમાં થયો વ્હાઇટ વોશ