પરંતુ આજના મેચમાં વેસ્ટઇન્ડીઝની વિરૂદ્ધ જીત માટે ભારતીય બેટ્સમેને સારું પ્રદર્શન કરવું પડશે. જો આજે રોહિત શર્મા મેદાન પર પોતાનું શાનદાર પ્રદર્શન કરે તો ટીમ ઇન્ડિયા જીતની નજીક પહોંચવાની સાથે જ રોહિત આજે એક મોટી યાદીમાં ધોનીથી આગળ નીકળી જશે.
વનડે ક્રિકેટમાં સૌથી વધારે છગ્ગા લગાવવાના મામલે રોહિત શર્મા ધોનીથી માત્ર બે શોટ દૂર છે. ધોનીએ અત્યાર સુધી રમેલ 293 ઇનિંગમાં 225 છગ્ગા ફટકાર્યા છે જ્યારે હિટમેન રોહિતે અત્યાર સુધી 204 ઇનિંગમાં 224 છગ્ગા ફટકાર્યા છે. ધોની બે છગ્ગા લગાવતા જ ધોનીથી આગળ નીકળી જશે.
આ યાદીમાં પ્રથમ સ્થાન પર 351 છગ્ગા સાથે શાહિદ આફ્રીદી છે. જ્યારે બીજા સ્થાન પર 324 છગ્ગા સાથે ક્રિસ ગેલ છે. ત્રીજા નંબર પર 270 છગ્ગા સાથે સનથ જયસૂર્યા છે.