ક્રિકેટ વર્લ્ડકપમાં વિજેતા બનેલી ઈંગ્લેન્ડની ટીમને ચિયર કરવા ખેલાડીઓની પત્ની, ગર્લફ્રેન્ડ અને પરિવારના સભ્યો પણ મેદાનમાં હાજર હતા. ટીમ વિજેતા બનતાં જ સ્ટેડિયમમાં બેઠેલા આ લોકો પણ ભાવુક થઈ ઉઠ્યા હતા અને જીતનું સેલિબ્રેશન કરવા મેદાન પર પહોંચી ગયા હતા.
આ દરમિયાન ક્રિસ વોક્સ, બેન સ્ટોક્સની પત્નીએ તેમના પાર્ટનરને હજારો લોકોની વચ્ચે લીપ કિસ કરીને જીતની ખુશી વ્યક્ત કરી હતી. બેન સ્ટોક્સે ફાઈનલમાં અણનમ રહીને 84 રન કર્યા હતા. જ્યારે વોક્સે 9 ઓવરમાં 3 વિકેટ લીધી હતી. ઈંગ્લેન્ડના પ્રથમ વર્લ્ડકપ જીતવામાં આ બંને ખેલાડીઓનું મહત્વનું યોગદાન હતું.