યાસિર શાહનો પોતાની ફેન સાથે એક Tik-Tok વીડિયો વાયરલ થયો છે. જેમાં તે ‘મેં સિર્ફ તેરા રહુંગા’ગીત પર એક્ટિંગ કરતો જોવા મળે છે. આ વીડિયો યાસિર શાહે ફેનની માગ પર બનાવ્યો હતો. જોકે હવે યાસિરની શરમ આવી રહી છે. આ વાતની જાણકારી પાકિસ્તાનના કોચ મિકી આર્થરે આપી હતી.
Geo TVના મતે મિકી આર્થરે કહ્યું છે કે, યાસિર શાહ આ વીડિયોને લઈને શરમ અનુભવી રહ્યો છે. હું તેને એરપોર્ટ પર મળ્યો હતો અને તેની સાથે 5 થી 10 મિનિટ સુધી વાતચીત કરી હતી. ઉલ્લેખનીય છે કે હાલમાં જ પાકિસ્તાનનો ઓસ્ટ્રેલિયા સામે વન-ડે શ્રેણીમાં 5-0થી શરમજનક પરાજય થયો હતો. શ્રેણીમાં યાસિર શાહનું પ્રદર્શન ખાસ રહ્યું ન હતું. તેણે 5 વન-ડેમાં 5.66ની ઇકોનોમી રેટ સાથે 4 વિકેટ ઝડપી હતી.