આજે સુરતમાં મેગા શો કરશે PM મોદી, શહેરને શણગારાયું દુલ્હનની જેમ, જાણો બીજી તેયારીઓ

સુરત: ભુવનેશ્વર પછી પ્રધાનમંત્રી નરેંદ્ર મોદી આજે સુરતમાં મેગા શો કરશે. આ વર્ષે ગુજરાતમાં વિધાનસભા ચૂંટણી થનાર છે. મિશન ગુજરાત પર પીએમ મોદી આજે સુરતમાં રોડ શોની સાથે ઘણા કાર્યક્રમોમાં ભાગ લેશે. પીએમ મોદી બે દિવસ સુધી ગુજરાતમાં રહેશે.

સુરતમાં પ્રધાનમંત્રી મોદીના રોડ શોની ભવ્ય તૈયારીઓ કરવામાં આવી છે. આખા શહેરને દુલ્હનની જેમ શણગારવામાં આવ્યું છે. સુરતથી એરપોર્ટથી લઈને સર્કિટ હાઉસ સુધી બન્ને બાજુના રસ્તાઓ ઉપર રોશની કરવામાં આવી છે. હજારોની સંખ્યામાં મોદીના પોસ્ટર, બેનર અને હોર્ડિંગ લગાવવામાં આવ્યા છે. ઘણી જગ્યાએ ભારે ભરખમ કટઆઉટ લગાવવામાં આવ્યા છે.

રોડ શો કર્યા પછી પીએમ મોદી સુરતના સર્કિટ હાઉસમાં રોકાશે. જ્યાં સ્થાનીક બીજેપી નેતાઓની સાથે ગુજરાત વિજય પર મંથન કરવામાં આવશે. મોદીએ ગુજરાતના સીએમ પછી દેશના પ્રધાનમંત્રી પદની ખુરશી સંભાળી હતી. એટલા માટે અત્યારથી આ વર્ષે ગુજરાતને જીતની ભેટ આપવા માંગે છે.

મોદી ભુવનેશ્વરથી આજે સાંજે 6.45 વાગે સુરત એરપોર્ટ પહોંચશે. સાંજે 6.50 વાગે સુરત એરપોર્ટથી લઈને સુરતના સર્કિટ હાઉસ સુધી સાત કિલોમીટરનો રોડ શો કરશે. મોદી ખુલ્લી જીપમાં સવાર થઈને રોડ શોની આગેવાની કરશે. બીજેપીના મતે રોડ શોમાં 15 હજાર બાઈક સવાર હાજર રહેવાના છે.

ગુજરાતની ચૂંટણી જીતવા માટે બીજેપીએ પોતાનું અભિયાન શરૂ કરી દીધું છે. આજે સુરતમાં પીએમ મોદી સાત કિલોમીટર લાંબો રોડ શો કરવાના છે. પાટીદાર આંદોલન પછી ગુજરાતમાં પ્રધાનમંત્રીનો આ પહેલો રોડ શો હશે.