સુરતઃ ઘરે આવેલી સગીરા સાથે ભુવાએ પરાણે ત્રણ-ત્રણ વાર માણ્યું સેક્સ, પછી શું થયું?

સુરતઃ કાપોદ્રાના વિશાલનગરમાં રહેતા એક ભુવાએ પોતાના ઘરે આવેલી 16 વર્ષીય સગીરા પર બળાત્કાર ગુજારતા ખળભળાટ મચી ગયો છે. સીગરાએ પોલીસ ફરિયાદ કરતાં ભુવાની ધરપકડ કરી વધુ કાર્યવાહી હાથ ધરવામાં આવી છે.

તરૂણીના મામા ભૂવાના ભક્ત હોવાથી તરૂણીએ વાત કરી તો પણ તે માનવા તૈયાર જ ન હતા. ભૂવો પરિવાર સાથે રહે છે. આમ છતાં સાફસફાઈ કરવા આ તરુણીને પોતાના ઘરે બોલાવતો હતો. અગાઉ બે વખત તરુણી ભૂવાના ઘરે રોકાઈ હતી. તે વખતે બે-ત્રણ દિવસ કોરાઈ હોવાના કારણે ભૂવાએ કાંઈ કર્યું ન હતું. આ વખતે લગભગ એકાદ મહિના જેટલો સમય રોકાતા ભુવાએ પોત પ્રકાશ્યું હતું.

મળતી વિગતો પ્રમાણે કાપોદ્રા વિશાલનગર વિભાગ-૧ ઘર નં. ૨૧૨માં રહેતા મહેન્દ્રગીરી નટવરગીરી ગોસ્વામી ધાર્મિકવિધિઓ કરી લોકોની સમસ્યાનું નિદાન કરે છે. તેમના પુત્રવધૂ ગર્ભવતી હોવાથી ઘરકામમાં મદદ માટેની નવસારીની રહીશ 16 વર્ષીય ભાણીને બોલાવી હતી.

નવસારીના ચિખલીની આ તરૂણી સુરતમાં રહેતા તેમના મામા સાથે રહેતી હતી. તરૂણીના મામા વિશાલનગરમાં રહેતા મામા દેવના ભૂવા મહેન્દ્રગિરિ નટવરગિરિ ગૌસ્વામીના ભક્ત હતા. જેથી તે વારંવાર ભૂવાના દર્શન કરવા જતાં હતા. ભૂવો અને તરૂણીના મામા સ્કૂલવેનના ડ્રાઇવર છે. જેથી બન્ને દસ-બાર વર્ષથી એક બીજાના પરિચયમાં છે. જેના કારણે જ તે કામ માટે ગઈ હતી.

અગાઉ પણ આ ભાણી બે-ત્રણ દિવસ રોકાઇ હોવાથી સગીરાના પરિવારને તેમના પર ભરોસો આવી ગયો હતો. ચાર મહિના પહેલાં આ સગીરાને પુત્રવધૂ ગર્ભવતી હોવાથી કામ માટે ભૂવાએ બોલાવી હતી. દરમિયાન ગણેશ વિસર્જનની આજુબાજુના દિવસોમાં એક મોડીરાત્રે મહેન્દ્રગીરીએ નિર્ભયા સાથે અડપલાં કરી 'મામાદેવની મરજી છે' તેમ કહી બળાત્કાર ગુજાર્યો હતો.

ત્યાર બાદ વધુ બે વખત મહેન્દ્રગીરીએ સગીરા સાથે દુષ્કર્મ આચાર્યું હતું. ચાર માસ અગાઉની ઘટના અંગે નિર્ભયાના પરિવારજને ગઈ કાલે કાપોદ્રા પોલીસ મથકમાં ભુવા મહેન્દ્રગીરી ગોસ્વામી વિરૃદ્ધ બળાત્કારની ફરિયાદ નોંધાવતા પોલીસે મોડી સાંજે ભુવાની ધરપકડ કરી હતી. વધુ તપાસ પીએસઆઇ એ.જી. ડોડીયા કરી રહ્યાં છે.