સુરતમાં ભાજપના ક્યા નેતા 50 હજારની લાંચ લેતાં રંગે હાથ પકડાઈ ગયા ?

કોંગ્રેસના કાઉન્સિલર અસલમ સાયકલવાળાએ ભાજપ પર પ્રહારો કરતાં જણાવ્યું હતું કે, એક જ વર્ષમાં ભાજપના ત્રણ કાઉન્સિલર લાંચ લેતા ઝડપાયા છે. મીના રાઠોડ, નેન્સી સુમરા અને જયંતિ ભંડેરી એ ભ્રષ્ટ શાસનનું ઉદાહરણ પુરૂં પાડ્યું છે. ભાજપની આ જ સૌથી મોટી ઉપલબ્ધિ છે.

સુરત ભાજપ પ્રમુખ નીતિન ભજીયાવાળાએ જણાવ્યું હતું કે, તેમની રાવ મળતાં થોડા દિવસો અગાઉ જ તેમને ચેતવણી આપવામાં આવી હતી. સિનિયર કાર્યકર હોવાથી પક્ષે વિશ્વાસ મુકીને ટીકિટ આપી હતી. જો કે તેમના ભ્રષ્ટાચારના કારણે તેમને પાર્ટીમાંથી તાત્કાલિક ધોરણે સસ્પેન્ડ કરાયાં છે. અગાઉ પણ પક્ષે આ પ્રકારની પ્રવૃતિમાં દોષીત સાબિત થયેલાને સમર્થન આપ્યું નથી અને આ કેસમાં પણ આપવામાં આવશે નહીં.

સુરતઃ શહેરના કતારગામ વોર્ડ નંબર 8ના કાઉન્સિલર જયંતિભાઈ ડાહ્યાભાઈ ભંડેરી 50 હજારની લાંચ લેતા ઝડપાયા હતા. જયંતિ ભંડેરીએ ડોક્ટરના બાંધકામ માટે લાંચ માંગી હતી. તબીબે રહેણાંક મકાનના ગ્રાઉન્ડ ફ્લોર ઉપર રૂદ્ર ક્લિનિક નામથી દવાખાનું ચાલુ કરેલ હતું. આ સોસાયટી રેસીડેન્સીયલ સોસાયટી હોય તે સોસાયટીમાં કોમર્સીયલ ઉપયોગ માટે દવાખાનું ચાલવા દેવા અને દવાખાનાનું શટર એસ.એમ.સી.ના અધિકારીઓ મારફતે કઢાવવાની કાર્યવાહી નહી કરવા તેમજ અન્ય કોઇ રીતે હેરાનગતી નહી કરવા માટે રૂપિયા પચાસ હજારની રકમની માંગણી કરી હતી.એ.સી.બી. એ લાંચના છટકાનું આયોજન કરતા આ કામના આરોપીએ છટકા દરમ્યાન ફરીયાદી પાસેથી લાંચની માંગણી કરી પોતાની પાસેના હાથ રૂમાલમાં લાંચની રકમ મુકાવી સ્વીકારી પોતાના પેન્ટના ખીસ્સામાં મુકી સ્વીકારી પકડાય જઇ ગુનો કર્યો હતો.