સુરતઃ પિતાએ બળાત્કાર ગુજારતા સગીર દીકરી બની ગર્ભવતી, પછી શું આવ્યો અંજામ?

પોલીસને બુધિયા દાસના નિવેદન પર શંકા જતાં તેમણે ગર્ભના ડીએનએને સગીરાના પિતાના ડીએનએ સાથે મેચ કરવા માટે સેમ્પલ એફએસએલમાં મોકલ્યા હતા. એફએસએલના રિપોર્ટમાં આ ગર્ભનો પિતા ટૂકના દાસ હોવાનું સામે આવતાં પોલીસે તેની સામે બળાત્કારની કલમ 376 તેમજ પોક્સોની કલમનો ઉમેરો કર્યો છે.

પોલીસે સગીરાનું પોસ્ટમોર્ટમ કરાવતાં તેનું ગળું દબાવીને હત્યા કરી હોવાનું સામે આવ્યું હતું. એટલું જ નહીં, સગીરાના પેટમાં છ મહિનાનો ગર્ભ હોવાનું સામે આવતાં પોલીસ ચોંકી ઉઠી હતી. સગીરાની ઓળખ થતાં પોલીસે તેના પરિવારની પૂછપરછ શરૂ કરી હતી.

આ અંગેની વિગતો એવી છે કે, બે મહિના પહેલાં ડુમસ રોડ પરના ખેતરમાંથી 14 વર્ષીય પ્રેગનેન્ટ કિશોરીની હત્યા કરાયેલી લાશ મળી આવી હતી. પોલીસે તપાસ કરતા આ સગીરા પાંડેસરાના ગોવાલક રોડ પર રહેતા હરિઓમનગરમાં રહેતા બુધિયા દાસની દીકરી ટૂકના હોવાનું જાણવા મળ્યું હતું.

પોલીસે સગીરા જ્યાં ભણતી હતી, તે સ્કૂલમાં પણ પહોંચી હતી અને સાથે ભણતા વિદ્યાર્થીઓની પૂછપરછ કરી હતી. જેમાં તેને કોઈ સાથે અફેર ન હોવાની વાત સામે આવી હતી. બીજી તરફ પોલીસે સગીરાના પિતાની કડકાઇથી પૂછપરછ કરતાં તે ભાંગી પડ્યા હતા અને તેમણે પોતે જ દીકરીની હત્યા કરી હોવાનું કબૂલ્યું હતું.

પોલીસ પૂછપરછમાં બુધિયા દાસે જણાવ્યું હતું કે, તેની પુત્રીના પેટમાં છ મહિનાનો ગર્ભ ઉછરી રહ્યો છે તે ગર્ભ કોનો છે? એ વિશે પૂછવા છતાં તે કોઈનું નામ આપતી ન હતી. જેથી તેને પાંડેસરાથી ડુમસ ફરવાના બહાને લઈ જઈ તેનું ગળુ દબાવી હત્યા કરી નાખી. સગીરાની લાશ 30-6-17ના રોજ ડુમસ રોડ પર એક ખેતરમાંથી મળી આવી હતી. પોલીસે 1-7-17ના રોજ હત્યાનો ગુનો નોંધી વધુ તપાસ હાથ ધરી હતી.

સુરતઃ શહેરના પાંડેસરા વિસ્તારમાં રહેતી સગીર દીકરી પર બળાત્કાર ગુજારતાં ગર્ભવતી બનેલી દીકરીની પિતાએ હત્યા કરી નાંખતા સમગ્ર વિસ્તારમાં ચકચાર મચી ગઈ છે. હવસખોર પિતાએ પોતાની કરતૂત ખૂલી ન પડી જાય તે માટે તેને ડૂમસ ફરવા જવાના બહાને લઈ ગયો હતો અને પછી તેની હત્યા કરી નાંખી હતી.