સુરતઃ Instagram પર ફ્રેન્ડ બનેલી યુવતીએ બોલાવતા મળવા ગયેલા યુવક સાથે શું થયું ?

વેસુ વિસ્તારના સુમન સાગર એપોર્ટમેન્ટમાં રહેતા અક્ષર રાજુ બગથરીયા(ઉ.વ.21)ને ઈન્સ્ટાગ્રામ પર યુવતી સાથે પરિચય થયો હતો. થોડી વાતચીત બાદ યુવતી સાથે ફોન પર વાતો શરૂ કરી હતી. ગત રવિવારે યુવતીએ અક્ષરને ફોન કરી પીપલોદની રાજહંસ સિનેમા પાસે કોફી શોપમાં બોલાવ્યો હતો. અક્ષર યુવતીની રાહ જોતો હતો. દરમિયાન બે બાઈક પર આવેલા છ જેટલા શખ્સોએ યુવકનું અપહરણ કર્યું હતું.

ઘરે પહોંચેલા અક્ષરને સારવાર માટે સ્મીમેર હોસ્પિટલ ખસેડાયો હતો. તેમજ આ પછી અજાણ્યા શખ્સો સામે ઉમરા પોલીસમાં ફરિયાદ નોંધાવવામાં આવી હતી. જેના આધારે પોલીસે વધુ તપાસ શરૂ કરી છે. પોલીસે આ અજાણ્યા યુવકોની શોધખોળ શરૂ કરી છે.

આ પછી અક્ષરને નજીકની સોસાયટીમાં લઈ ગયા હતા અને ત્યાં ઢોર માર માર્યો હતો. ત્યારબાદ ખુલ્લા ગ્રાઉન્ડમાં લઈ જઈ ફરી ફટકાર્યો હતો. અપહરણ કરનારા અજાણ્યા શખ્સોએ અક્ષરને ઢોર માર મારી 45 હજાર રોકડા અને મોબાઈલની લૂંટ ચલાવી વેસુની ખાડીમાં ફેંકી દીધો હતો. યુવક જ્યારે ભાનમાં આવ્યો ત્યારે તેની હાલત ખરાબ હતી અને મેલાઘેલા કપડાં અને ગંદી હાલતમાં ઘરે પહોંચ્યો હતો.

સુરતઃ સોશિયલ મીડિયા Instagram પર ફ્રેન્ડ બનેલી યુવતીને મળવા જવું યુવકને ભારે પડી ગયું છે. વેસુ વિસ્તારમાં રહેતા યુવક યુવતી સાથે ઈન્સ્ટાગ્રામ પર મિત્રતા કેળવી વાતચીત કર્યા બાદ મળવા માટે ગયો હતો. જોકે, તેને મળવા યુવતી તો ન આવી પરંતુ બે બાઈક પર છ જેટલા શખ્સોએ યુવકનું અપહરણ કરીને ઢોર માર માર્યો હતો. એટલું જ નહીં, રોકડ અને મોબાઈલની લૂંટ ચલાવી હતી.