મેટાએ લૉન્ચ કર્યુ Meta Pay, આગામી સમયમાં મેટા પેથી મેટાવર્સમાં પણ કરી શકશો પેમેન્ટ

મેટાને લઇને મેટાના સીઇઓ માર્ક ઝકરબર્ગે (Mark Zuckerberg) પોતાની એક પૉસ્ટ શેર કરતા કહ્યું - "Web3 ની દુનિયામાં સ્વામિત્વને લઇને એક મોટી લડાઇ ચાલી રહી છે, અને આ મહત્વપૂર્ણ પણ છે.

Meta Pay Launch: મેટા (ફેસબુક) મેટાવર્સ અને Web3 પર સતત કામ કરી રહ્યું છે, મેટાએ હવે પોતાના વૉલેટને લૉન્ચ કર્યુ છે, જે એક યૂનિવર્સલ Payment Mode છે, અને આ પેમેન્ટ સિસ્ટમનુ નામ Meta Pay છે. મેટાએ કહ્યું કે, Meta Payથી મેટાવર્સ ઉપરાંત સાધારણ પેમેન્ટ પણ કરી શકશો. અહીં એ પણ સ્પષ્ટ કરી દઇએ કે Meta Pay, ફેસબુક પેનુ જ નવુ રૂપ છે. 

મેટાને લઇને મેટાના સીઇઓ માર્ક ઝકરબર્ગે (Mark Zuckerberg) પોતાની એક પૉસ્ટ શેર કરતા કહ્યું - "Web3 ની દુનિયામાં સ્વામિત્વને લઇને એક મોટી લડાઇ ચાલી રહી છે, અને આ મહત્વપૂર્ણ પણ છે. આગામી સમયમાં મેટાવર્સમાં શૉપિંગ પણ સામેલ થશે જેના માટે એક પેમેન્ટ સિસ્ટમની જરૂર પડશે. 

આના લૉન્ચિંગ પર ઝકરબર્ગે આગળ કહ્યું કે, હાલની સુવિધાઓથી જુદુ, અમે કંઇક નવુ લાવી રહ્યાં છીએ. મેટાવર્સ માટે એક વૉલેટ જે તમને સુરક્ષિત રીતે તમારી ઓળખ બનાવે છે. તમારી ઓળખને સુરક્ષિત રાખે છે, તમારા સ્વામિત્વનુ ધ્યાન રાખે છે અને તમે કઇ રીતે ચૂકવણી કરો તેનુ મેનેજ કરવાનુ આપે છે.

જાણકારી અનુસાર, Meta Payને હાલમાં માત્ર અમેરિકામાં લૉન્ચ કરવામાં આવ્યુ છે, અને જલદી આને દુનિયાભરમતાં લૉન્ચ કરવામાં આવશે. ઉલ્લેખનીય છે કે, આ મહિનાની શરૂઆતમાં જ મેટાએ કહ્યું હતુ કે તે ઇન્સ્ટાગ્રામ સ્ટૉરીજમાં નૉન ફન્ઝિબલ ટૉકન (NFTs)ને બતાવવાનુ શરૂ કરવાનુ છે. આ માટે કંપની મેટાવર્સના ઓગ્યૂમેન્ટ રિયાલિટી પ્લેટફોર્મ Spark ARનો ઉપયોગ કરવા જઇ રહી છે. Meta એ તાજેતરમાં જ મેટાવર્સ માટે Microsoft અને Nvidia જેવી કંપનીઓની સાથે પાર્ટનરશીપ કરી છે. 

આ પણ વાંચો.....