ફેસબુકે એક બ્લોગ પોસ્ટમાં લખ્યું છે કે આ પ્રોજેક્ટનો હેતું યુઝર્સ માટે અલગ અલગ અને તમામ સાઇઝની સર્વિસિઝ વચ્ચે સુરક્ષિત રીતે એક સર્વિસથી બીજી સર્વિસમાં ડેટા ટ્રાન્સફર કરાવવાનો છે જેનાથી આ સર્વિસનો ઉપયોગ કરનારાઓનો ડેટા પોર્ટેબલ થઇ જશે.
ડેટા ટ્રાન્સફર પ્રોજેક્ટ એક ઓપન સોર્સ પ્લેટફોર્મ હશે જેની મદદથી ઓનલાઇન સર્વિસ પ્રોવાઇડર્સ પોતાની જરૂરિયાત અનુસાર ડેટા ટ્રાન્સફર કરી શકશે. આ પ્રોજેક્ટ ઓપન સોર્સ લાઇબ્રેરીની મદદથી કોઇ પણ સર્વિસ માટે ઉપલબ્ધ રહેશે જે યુઝર્સના સ્થાને ડાયરેક્ટ ડેટા ટ્રાન્સફર કરવા માંગે છે. આ પ્રકારની તમામ કંપનીઓએ પોતાની અલગ સિસ્ટમ તૈયાર નહી કરવી પડે અને આ ઓપન સોર્સ ફ્રેમવર્ક તમામ સર્વિસનો ઉપયોગ કરી શકશે.