કંપનીનો દાવો છે કે, ટૂથબ્રશ અસરકારક રીતે મોઢાના કોઈ પણ ભાગને સાફ કરી શકે છે. તેની સાથે ટૂથબ્રશમાં બ્લૂ ઈન્ડિકેટર પણ આપવામાં આવ્યું છે. જે બ્રશ હેડને બદલવા માટે યૂઝરને એલર્ટ કરે છે.
આ ઈલેક્ટ્રિક ટૂથબ્રશની કિંમતની વાત કરીએ તો તેની કિંમત 1,999 રાખવામાં આવી છે અને ગ્રાહકો તેને રિયલમીની વેબસાઈટ તથા ફ્લિપકાર્ટ પરથી ખરીદી શકશે. તેનું વેચાણ 10 સપ્ટેમ્બરથી શરુ થશે.
ટૂથબ્રશમાં 800mAh ની બેટરી ક્વિક ચાર્જિંગ સપોર્ટ સાથે આપવામાં આવી છે. કંપનીના દાવા અનુસાર, બેટરી લાઈફ 90 દિવસની છે, એટલે કે આ બેટરીને એક વર્ષમાં ત્રણ વખત જ ચાર્જ કરવાની જરૂર પડશે. આ ટૂથબ્રશમાં 3.5mm થિન મેટલ ફ્રી બ્રશ બેડ આપવામાં આવ્યું છે, જે મોંમાં સેન્સેશન ઘટાડવામાં મદદ કરશે. કંપનીના દાવા અનુસાર 99.99 ટકા એન્ટીબેક્ટીરિયલ પ્રોપર્ટીવાળું છે.