નવી દિલ્હીઃ Redmi 7નું પ્રથમ સેલ 28 એપ્રિલ બપોરે 12 કલાકથી શરૂથઈ ગેયું છે. નવો રેડમી સ્માર્ટફોન Mi.com અને Amazon.in ઉપરાંત હોમ સ્ટોર્સ, મી સ્ટૂડિયો આઉટલેટ્સ અને કંપનીના પાર્ટનર ઓફલાઈન સ્ટોર પર ઉપલબ્ધ હશે. જણાવી એ કે, Redmi 7 કંપની દ્વારા વિતેલા વર્ષે લોન્ચ કરવામાં આવેલ Redmi 6 સ્માર્ટફોનનું અપગ્રેડ છે.

આ ફોનની ખરીદી પર જિયો તરફથી ગ્રાહકોને 4 વર્ષ માટે ડબલ ડેટા આપવામાં આવી રહ્યા છે. ઉપરાંત જિયો 2400 રૂપિયાનું કેશબેક પણ આપી રહ્યું છે.



આ સ્માર્ટફોનમાં 6.26-ઇંચની એચડી + ડિસ્પ્લે છે જે ડોટ-નૌચ ડિઝાઇન સાથે આવે છે. ફોનના આગળના ભાગમાં કોર્નિંગ ગોરિલા ગ્લાસ 5 હશે. ફોનમાં સેલ્ફી માટે 8 મેગાપિક્સલનો કેમેરો છે, જે એઆઈ Beautification અને AI પોર્ટ્રેટ મોડથી સજ્જ છે. સ્માર્ટફોનમાં પાછળ ડ્યુઅલ રિયર કેમેરા સેટઅપ મળશે. પ્રાઇમરી કેમેરો 12 મેગાપિક્સલનો છે અને સેકન્ડરી કેમેરો 2 મેગાપિક્સનો છે.



આ સ્માર્ટફોન બે વેરિએન્ટમાં લોન્ચ કરવામાં આવ્યો છે, 2 જીબી રેમ અને 32 જીબી સ્ટોરેજની કિંમત 7,999 રૂપિયા છે. જ્યારે 3 જીબી રેમ અને 32 જીબી સ્ટોરેજની કિંમત 8,999 રૂપિયા છે.

રેડમી 7 ને લૂનર લાલ, કૉમેન્ટ બ્લુ અને એક્લીપ્સ બ્લેક કલરમાં રજૂ કરવામાં આવ્યો છે. આ સ્માર્ટફોનમાં 4,000 એમએએચ બેટરી અને ક્યુઅલકોમ સ્નેપડ્રેગન 632 પ્રોસેસર છે. આ ફોનમાં યુઝર્સને આઇઆર બ્લાસ્ટ ફિચર પણ મળશે. આ ઉપરાંત 360 ડિગ્રી એઆઈ ફેસ અનલોક, ફોનમાં ડ્યુઅલ વૉલ્ટ સિમ સપોર્ટ આપવામાં આવે છે. આ સ્માર્ટફોન MIUI 10 પર આધારિત એન્ડ્રોડ 9 પાઇ પર ચાલે છે.