Vivo V29 series: ભારતમાં ભારતીય ગ્રાહકોને અનુકળ આવે તેવા સ્માર્ટફોનની એક લાંબી અને મોટી રેન્જ અવેલેબલ છે, તેમ છતાં જો તમે એક સારા અને ન્યૂ લૉન્ચ ફોનની તલાશમાં છો તો તમારા માટે આ આર્ટિકલ કામનો છે. જો તમને સ્માર્ટફોન ગમે છે અને તમે નવા ફોનમાં અપગ્રેડ કરવાનું વિચારી રહ્યાં છો, તો 4 ઓક્ટોબર તમારા માટે મહત્વપૂર્ણ દિવસ છે. ખરેખર આ દિવસે 5 સ્માર્ટફોન માર્કેટમાં લૉન્ચ થશે. જ્યારે ગૂગલ તેની નવી પિક્સેલ સીરીઝ માર્કેટમાં લૉન્ચ કરશે, ત્યારે Vivo આ દિવસે Vivo V29 સીરીઝ લૉન્ચ કરશે. એ જ રીતે કૉરિયન કંપની સેમસંગ આ દિવસે Samsung Galaxy S23 FE 5G લોન્ચ કરશે. જાણો આની કિંમત અને સ્પેક્સ વિશે....
કિંમત અને સ્પેક્સ
સેમસંગ 4 ઓક્ટોબરે Samsung Galaxy S23 FE સ્માર્ટફોન લૉન્ચ કરશે. જો લિક્સનું માનીએ તો, કંપની સ્માર્ટફોનને 2 સ્ટૉરેજ વેરિઅન્ટમાં લૉન્ચ કરી શકે છે જે 8GB/128GB અને 8GB/256GB છે. ફોનની કિંમત અનુક્રમે 54,999 રૂપિયા અને 59,999 રૂપિયા હોઈ શકે છે. મોબાઇલ ફોનમાં તમે 120Hzના રિફ્રેશ રેટ સાથે FHD+ રિઝોલ્યૂશન સાથે 6.3 ઇંચનું પંચ-હોલ ડિસ્પ્લે મેળવી શકો છો. આ સ્માર્ટફોન વિસ્તારના આધારે Snapdragon 8 Gen 1 અને Exynos 2200 ચિપસેટ પર આધારિત હશે.
ફોટોગ્રાફી માટે ફોનમાં ત્રિપલ કેમેરા સેટઅપ હશે જેમાં 50MP પ્રાથમિક લેન્સ, 8MP અલ્ટ્રા-વાઇડ સેન્સર અને 3x ઓપ્ટિકલ ઝૂમ સપોર્ટ સાથે 12MP ટેલિફોટો લેન્સ હશે. કંપની ફ્રન્ટમાં 10MP કેમેરા આપી શકે છે. બેટરી વિશે વાત કરીએ તો Samsung Galaxy S23 FE 25W ફાસ્ટ ચાર્જિંગ સાથે 4,500mAh બેટરી મેળવી શકે છે.
ગૂગલ પિક્સલ 8 સીરીઝ
ગૂગલ 4 ઓક્ટોબરે Google Pixel 8 સીરીઝ લૉન્ચ કરશે. આ સીરીઝ હેઠળ Pixel 8 અને 8 Pro સ્માર્ટફોન લૉન્ચ કરવામાં આવશે. બેઝ મૉડલમાં તમને ડ્યૂઅલ કેમેરા સેટઅપ મળશે અને પ્રૉ મૉડલમાં તમને ત્રિપલ કેમેરા સેટઅપ મળશે જેમાં 48MP ટેલિફોટો લેન્સ હોઈ શકે છે. જો લિક્સ પર વિશ્વાસ કરવામાં આવે તો આ વખતે પ્રૉ મૉડલની કિંમત 100 ડૉલર વધુ હોઈ શકે છે. ભારતમાં આ સીરીઝ 65,000 રૂપિયાથી શરૂ થઈ શકે છે. પ્રૉ મૉડલની કિંમત 90,000 રૂપિયાની આસપાસ હોઈ શકે છે.
ગૂગલ ઉપરાંત Vivo આ દિવસે Vivo V29 સીરીઝ લૉન્ચ કરશે. આમાં તમને ઓરા લાઇટ સાથે ત્રિપલ કેમેરા સેટઅપ મળશે. તમે કંપનીની યુટ્યુબ ચેનલ દ્વારા મોબાઈલ ફોનની લૉન્ચ ઈવેન્ટ જોઈ શકશો.