WhatsApp Feature Testing: વૉટ્સએપ પોતાના લાખો યૂઝર્સ માટે વધુ એક નવી ફેસિલિટીનું ટેસ્ટિંગ કરી રહ્યું છે. વૉટ્સએપના આ ફિચરની રજૂઆત બાદ યૂઝર્સ સરળતાથી વૉટ્સએપ ચેનલો સાથે જોડાઈ શકશે. વૉટ્સએપના આ ફિચરનું હાલમાં બીટા વર્ઝનમાં ટેસ્ટિંગ કરવામાં આવી રહ્યું છે. ટેસ્ટિંગ કર્યા પછી તે Android અને iOS બંને યૂઝર્સ માટે ટૂંક સમયમાં રૉલઆઉટ થઈ શકે છે. આ સિવાય WhatsApp બીજા ઘણા નવા ફિચર્સ લાવવાની તૈયારી કરી રહ્યું છે.
WhatsAppનું આ ફિચર ખાસ કરીને ચેનલોને વિસ્તારવા માટે લાવવામાં આવ્યું છે. આ ફિચરની રજૂઆત બાદ યૂઝર્સ તેમની ચેનલમાં વધુને વધુ યૂઝર્સને એડ કરી શકશે. હાલમાં કોઈપણ વૉટ્સએપ ચેનલમાં જોડાવા માટે સૌ પ્રથમ ચેનલ સૂચિમાંથી તેને શોધવું પડશે. આ પછી જ યૂઝર્સ તે ચેનલ સાથે કનેક્ટ થઈ શકશે. WABetaInfoના રિપોર્ટ અનુસાર, WhatsAppના આ ફિચરને એન્ડ્રોઇડ અને iOS બંને સ્માર્ટફોન માટે ટેસ્ટ કરવામાં આવી રહ્યું છે. તે કેટલાક લિમીટેડ બીટા ટેસ્ટર્સ માટે રિલીઝ કરવામાં આવ્યું છે.
આ રીતે કરશે કામ
WhatsApp ચેનલનો QR કૉડ ઈમેજ ફોર્મેટમાં હશે, જેને ફોનના કેમેરાથી સ્કેન કરી શકાશે. ઉપરાંત યૂઝર્સ તેને તેમના મિત્રો, સંબંધીઓ વગેરે સાથે શેર કરી શકશે. આ QR કૉડ સ્કેન થતાં જ. આ યૂઝર્સને WhatsApp ચેનલ પર રીડાયરેક્ટ કરશે. રીડાયરેક્શનની સાથે જ યૂઝર્સને વૉટ્સએપ ચેનલ સાથે જોડાવાનો વિકલ્પ પણ મળશે.
WhatsApp ચેનલ માટે QR કૉડ જનરેટ કરવા માટે ચેનલ પર ગયા પછી તમારે ઉપર આપેલા ત્રણ બિંદુઓ પર ટેપ કરવું પડશે. આમાંથી QR કૉડ દર્શાવવા અને જનરેટ કરવાનો વિકલ્પ દેખાશે. જનરેટ વિકલ્પ પર ટેપ કરીને તમારી ચેનલનો QR કૉડ જનરેટ કરી શકાય છે. તમે આને કોઈપણ સાથે શેર કરી શકો છો. વૉટ્સએપ બિઝનેસ યૂઝર્સને ધ્યાનમાં રાખીને આ ફિચરનું પરીક્ષણ કરી રહ્યું છે, જેથી તે ચેનલ દ્વારા વધુને વધુ ગ્રાહકો સાથે કનેક્ટ થઈ શકે.
આ પણ વાંચો
Jio યૂઝર્સની બલ્લે-બલ્લે, હવે આ પ્લાન સાથે ફ્રીમાં મળે છે Netflix નું સબ્સક્રિપ્શન