વડોદરાઃ સગીરાને ઉઠાવી જઈ ત્રણ યુવકોએ આખી રાત ગુજાર્યો બળાત્કાર, પિતાને કેવી હાલતમાં મળી દીકરી?

તપાસમાં સગીરા પર ભાડૂઆત તરીકે રહેતા યુ.પી.ના આશિષ જગદીશ આહિર સહિત ત્રણ યુવાનોને ગેંગરેપ કર્યો હોવાનું સામે આવ્યું છે. પિતાની ફરિયાદને આધારે બાપોદ પોલીસે યુ.પી.ના આશિષ આહિર સહિત બે યુવાનોની અટકાયત કરી લીધી છે. અન્ય એકની શોધખોળ કરી રહી છે. અટકાયત કરાયેલા બે યુવાનો અને કથિત ગેંગરેપનો ભોગ બનેલી સગીરાની પૂછપરછ બાદ અન્ય વિગતો બહાર આવશે.

વહેલી સવારે તેમને ખબર પડી હતી કે, તેમની દીકરી પાડોશમાં ભાડૂઆત તરીકે રહેતા યુપીના ત્રણ યુવાનોના ઘરમાં છે. જ્યાં તપાસ કરતાં સગીરા બેભાન હાલતમાં અર્ધનગ્ન અવસ્થામાં પડી હતી. પરિવારે તાત્કાલિક બાપોદ પોલીસને જાણ કરતાં કાર્યવાહી હાથ ધરી હતી.

આથી દીકરી ગુમ થઈ હોવાનું જણાતા તેમણે પરિવારજનોને જાણ કરી હતી. આ પછી આસપાસમાં તપાસ હાથ ધરી હતી, પરંતુ દીકરી મળી આવી નહોતી. આખી રાત પરિવાર દીકરીની રાહ જોતો રહ્યો હતો. લોકોને જાણ થતાં પાડોશીઓ અને પરિચતો ઘરે આવી ગયા હતા.

આ અંગેની વિગતો એવી છે કે, ન્યુ વીઆઇપી રોડ પર રહેતા પંકજભાઈ(નામ બદલ્યુ છે)ને આઠ સંતાનો છે. જેમાં ચાર દીકરા અને ચાર દીકરી છે. બે દીકરી અને ત્રણ દીકરાના લગ્ન થઇ ગયા છે. પંકજભાઈએ પોલીસને કહ્યું હતું કે, તેઓ બે દીકરીઓ અને પુત્ર સાથે ઘરની બહાર સૂતા હતા. દરમિયાન મોડી રાત્રે તેઓ ઉઠ્યા ત્યારે તેમની 15 વર્ષીય દીકરી પોતાની જગ્યાએ નહોતી. ઘરમાં તપાસ કરતાં ત્યાં પણ નહોતી.

વડોદરાઃ ન્યુ વીઆઇપી રોડ પર રહેતી સગીરાને પડોશીમાં રહેતા ત્રણ યુવકોએ ઉઠાવી જઈને સામૂહિક બળાત્કાર ગુજાર્યો હોવાની ઘટના સામે આવી છે. આ ઘટનાને કારણે સમગ્ર વિસ્તારમાં ચકચાર મચી ગઈ છે. દીકરીની શોધખોળ કરતાં પિતાને તે અર્ધનગ્ન હાલતમાં હતી. આ અંગે પીડિતા સગીરાના પિતાએ પોલીસ ફરિયાદ કરી છે.