કેન્દ્રના આદેશ પછી CM રૂપાણીએ પોતાની સ્કોર્પિયોની સીટ પર ચઢી કઇ રીતે જાતે ઉતારી લાલ લાઇટ? જુઓ વીડિયો

વલસાડઃ દેશમાં વીવીઆઇપી કલ્ચરને ખત્મ કરવા કેન્દ્ર સરકારે લીધેલા નિર્ણય બાદ મુખ્યમંત્રી વિજય રૂપાણીએ પોતાની ગાડી પરથી લાલ લાઇટ જાતે જ ઉતારી દીધી હતી. કેન્દ્રિય કેબિનેટે લાલ અને વાદળી બત્તીના ઉપયોગ સામે પ્રતિબંધ લાદી દીધો છે. ધરમપુરમાં ઓઝરપાડા ખાતે વોકેશનલ તાલીમ કેન્દ્રના લોકાર્પણ કાર્યક્રમમાં હાજરી આપવા પહોંચેલા મુખ્યમંત્રી રૂપાણીએ જાતે જ પોતાની કાર પરથી લાલ લાઇટ ઉતારી દીધી હતી. જ્યારે ગુજરાતના અન્ય મંત્રીઓ અને કેન્દ્રના મંત્રીઓ પણ પોતાની કાર પરથી લાઈટ ઉતારી હતી.   

ગુજરાત સરકારે તેને અનુસરીને મુખ્યમંત્રી સહિત તમામ મંત્રીઓ અને અધિકારીઓના વાહન પરથી લાલ લાઇટ દૂર કરવાનો નિર્ણય કર્યો છે. નાયબ મુખ્યમંત્રી નીતિન પટેલે જણાવ્યું હતું કે, લોકશાહીમાં આમ જનતા અને મંત્રીઓ, અધિકારીઓ એકસમાન છે તેવા અભિગમ સાથે કેન્દ્ર સરકારે લાલ લાઇટો દૂર કરવાનો નિર્ણય કર્યો છે. અમને કેન્દ્ર સરકારનું ડ્રાફ્ટ નોટિફિકેશન મળ્યું છે તેનો અભ્યાસ કર્યા બાદ ટૂંક સમયમાં અમલીકરણ કરવામાં આવશે.