Hun To Bolish : હું તો બોલીશ : ડર 'SIR'નો, મોત BLOનું ?

Hun To Bolish : હું તો બોલીશ : ડર 'SIR'નો, મોત BLOનું ?

SIRની કામગીરી દરમિયાન બીએલઓ પર વધતા દબાણ અંગે અખિલ ભારતીય રાષ્ટ્રીય શૈક્ષિક મહાસંઘે ગંભીર ચિંતા વ્યક્ત કરી છે....અને ચૂંટણી આયોગ પાસે તાત્કાલિક હસ્તક્ષેપની માંગ કરી છે...અખિલ ભારતીય રાષ્ટ્રીય શૈક્ષિક મહાસંઘનું કહેવું છે કે, BLOને સતત 16–18 કલાક મેદાનમાં તથા પોર્ટલ પર કામ કરવું પડી રહ્યું છે....જ્યારે એપ અને પોર્ટલ વારંવાર ક્રેશ થવું, નેટવર્કનો અભાવ અને ટેક્નિકલ સહાય ન મળવાને કારણે કામ વધુ મુશ્કેલ બન્યું છે....તેઓએ જણાવ્યું કે અનેક જિલ્લાઓમાંથી અધિકારીઓ દ્વારા ધમકીભર્યા ભાષા પ્રયોગ, નોટિસ, પગાર અટકાવવાની ચેતવણી અને અપમાનજનક વર્તન જેવી ફરિયાદો મળેલી છે, જેના કારણે BLO શિક્ષકોમાં ભારે માનસિક તણાવ સર્જાયો છે.....કેટલાક રાજ્યોમાં આત્મહત્યાની દુઃખદ ઘટનાઓ પણ સામે આવી છે, જે પરિસ્થિતિની ગંભીરતા અને માનવીય પાસાને સ્પષ્ટ રીતે દર્શાવે છે....એટલું જ નહીં, બીએલઓને જરૂરી સાધનો, ટેક્નિકલ તાલીમ અને સહાયક સ્ટાફ ના મળવાને કારણે તેમને પોતાના ખાનગી સાધનોના આધારે કામ પૂરું કરવું પડે છે....દૂરદષ્ટ, પર્વતીય અને રણપ્રદેશ જેવા વિસ્તારોમાં નેટવર્કની અછતને કારણે ઑનલાઇન વેરીફિકેશન અને ડેટા અપલોડ કરવું લગભગ અશક્ય બની જાય છે....તેમણે જણાવ્યું કે 20 વર્ષ જૂના દસ્તાવેજોની માંગણીને કારણે સામાન્ય જનતામાં ગૂંચવણ અને અસહકારની સ્થિતિ ઉભી થઈ છે, જેના કારણે બીએલઓએ ઘણીવાર અભદ્ર વર્તન અને તણાવસભર પરિસ્થિતિનો સામનો કરવો પડે છે....આ ગહન સર્વે બાબતે આયોગ દ્વારા સામાન્ય જનતામાં પૂરતી માહિતી ન પહોંચતા સમસ્યા વધુ વિકટ બની છે....મહાસંઘે ભારતના ચૂંટણી આયોગને વિનંતી કરી છે કે, પુનરીક્ષણ કાર્યની છેલ્લી તારીખ પૂરતી આગળ વધારવામાં આવે, જેથી બીએલઓ વિનાદબાણ ગુણવત્તાપૂર્વક કામ કરી શકે.....મહાસંઘે આ કાર્યના વધતા દબાણને કારણે અસમયે મૃત્યુ પામેલા અથવા આત્મહત્યા કરનારા BLO શિક્ષકોના પરિવારોને ₹1 કરોડની સહાય તેમજ એક આધારિતને સરકારી નોકરી આપવાની અને આ તમામ ઘટનાઓની ઉચ્ચસ્તરીય તપાસ કરીને દોષિત અધિકારીઓ સામે કડક કાર્યવાહી કરવાની માંગ કરી છે.....મહાસંઘે એ પણ રજૂઆત કરી છે કે, અધિકારીઓને સ્પષ્ટ સૂચના આપવામાં આવે કે તેઓ ધમકી, દબાણ અથવા અપમાનજનક ભાષાનો ઉપયોગ ન કરે અને બીએલઓ સાથે સન્માનપૂર્ણ વર્તન સુનિશ્ચિત કરે....