અમદાવાદ મહાનગરપાલિકા સંચાલિત સોલિડ વેસ્ટ મેનેજમેન્ટ પર લાગ્યા ભ્રષ્ટાચારના આક્ષેપ

અમદાવાદ મહાનગરપાલિકા સંચાલિત સોલિડ વેસ્ટ મેનેજમેન્ટ પર ભ્રષ્ટાચારના આક્ષેપ લાગ્યા છે. ગોમતીપુર વોર્ડના કાઉન્સિલર ઇકબાલ શેખએ વિઝીલન્સ તપાસની માંગ કરી છે. AMC ના ચોપડે મુકવામાં આવેલી કચરા માટેની સિલ્વર ટ્રોલી સ્થળ પર મુકાઈ જ ન હોવાના આક્ષેપ છે. AMC ના ચોપડે ગોમતીપુરમાં 37 ટ્રોલી જ્યારે કાઉન્સિલરના મતે ગોમતીપુરમાં માત્ર 22 ટ્રોલી છે.  અમરાઈવાડીમાં AMC ના ચોપડે પાંચની સામે હાલ 26 ટ્રોલી, ભાઈપુરા વોર્ડમાં AMC ના ચોપડે 4 ની સામે 5 ટ્રોલી હયાત, ઓઢવમાં 45 ટ્રોલીઓની સામે માત્ર 32 ટ્રોલી તો વસ્ત્રાલમાં 18 ટ્રોલીઓ AMC ના ચોપડે જેની સામે હાલ વસ્ત્રાલમાં 22 ટ્રોલીઓ છે.