Gujarat Rain Forecast: ગુજરાતમાં આગામી 7 દિવસ અતિ ભારે વરસાદની આગાહી, જુઓ અહેવાલ

Gujarat Rain Forecast: ગુજરાતમાં આગામી 7 દિવસ અતિ ભારે વરસાદની આગાહી, જુઓ અહેવાલ

Gujarat Rain: હાલમાં ગુજરાતના મોટા ભાગના વિસ્તારોમાં મેઘ મહેર જોવા મળી રહી છે. છેલ્લા 24 કલાકમાં અનેક જિલ્લાઓમાં ભારે વરસાદ પડ્યો છે. ખાસ કરીને બનાસકાંઠા વિસ્તારમાં જળબંબાકાર જેવી સ્થિતિ જોવા મળી રહી છે. જોકે, હજુ આગામી દિવસોમાં પણ વરસાદી માહોલ જોવા મળશે.

હવામાન વિભાગે વરસાદને લઈને આગાહી કરી છે. આગામી 7 દિવસ વરસાદની આગાહી કરવામાં આવી છે. હવામાન વિભાગના જણાવ્યા અનુસાર ત્રણ વરસાદી સિસ્ટમ સક્રિય છે. જેથી આગામી સમયમાં પણ રાજ્યમાં વરસાદી માહોલ યથાવત રહેશે.

આજે ભારેથી અતિભારે વરસાદની આગાહી

કચ્છ, જામનગર, દ્વારકા , બનાસકાંઠા, પાટણ, મહેસાણા, સાબરકાંઠા ભારેથી અતિભારે વરસાદની આગાહી કરવામાં આવી છે. આ ઉપરાંત પોરબંદર,રાજકોટ, જૂનાગઢ, ગીર સોમનાથ, અમરેલી, ભાવનગર, બોટાદ, મોરબી, અમદાવાદ, ગાંધીનગર, અરવલ્લી, મહીસાગર, સુરત, તાપી નવસારી, વલસાડ, ડાંગ, દમણ દાદરા નગર હવેલીમાં ભારે વરસાદની આગાહી કરવામાં આવી છે.