Ahmedabad News: અમદાવાદના ચાંગોદરમાં ગેરકાયદે ફટાકડાના ગોડાઉનનો પર્દાફાશ

અમદાવાદના રામોલમાં ફટાકડા ફેક્ટરીમાં થયેલા બ્લાસ્ટ બાદ પોલીસ અને પ્રશાસન સફાળી જાગી છે.. અમદાવાદ ગ્રામ્યમાં ચાંગોદર પોલીસે ફટાકડાના બે ગેરકાયદેસર ગોડાઉન ઝડપી 39.57 કરોડની કિંમતનો ફટાકડાનો જથ્થો જપ્ત કર્યો.. સાથે જ પોલીસે ગુનો નોંધીને બે ગોડાઉન માલિકની ધરપકડ પણ કરી છે.. ફટાકડાના ગોડાઉન માલિકની શિવરંજનીમાં અંબિકા ફટાકડા નામથી દુકાન છે.. આ ઉપરાંત વડોદરા અને બાવળામાં પણ અંબિકા ફટાકડા નામથી દુકાન ધરાવે છે.. ફટાકડાના વેચાણનું લાઈસન્સ રિન્યુ કરાવ્યા વગર જ ફાટકડાનો જથ્થો રાખવામાં આવ્યો હતો.. એટલુ જ નહીં.. ફાયર NOC પણ મેળવવામાં આવી ન હોવાનો ખુલાસો થયો છે.. ગંભીર બેદરકારી બદલ પોલીસે ગોડાઉનના માલિક અમિત મોદી અને મેનેજર કિશન પટેલની ધરપકડ કરી છે.. સાથે જ ગોડાઉનને સીલ મારી દીધુ છે..તો આ તરફ શહેરમાં પણ AMC એસ્ટેટ અને ફાયર વિભાગે ફટાકડાની દુકાનો,ગોડાઉન અને વેરહાઉસમાં તપાસ કરી છે.. ખાડીયા વિસ્તારમાં અંબિકા ટ્રેડિંગ કંપની સહિત પાંચ મોટી ફટાકડાની દુકાનો અને ગોડાઉનને ગેરકાયદે બાંધકામ હોવાથી સીલ કરાયા છે.. સરસપુર વિસ્તારમાં વિકાસ એસ્ટેટમાં પણ 15 જેટલી ફટાકડાની દુકાનો સીલ કરવામાં આવી છે..