Bhavnagar Accident News: ભાવનગરમાં ફરી સામે આવ્યો ડમ્પરનો કહેર, ઘોઘા તાલુકામાં ડમ્પર ચાલકે બે લોકોને કચડયા

ભાવનગર જિલ્લામાં ડમ્પરે વધુ બે લોકોનો જીવ લીધો. ઘોઘા તાલુકાના હાથબ ગામ પાસે ડમ્પરે અડફેટે લેતા બે નેપાળી યુવકના મોત થયા. લાખણકાથી હાથબ ગામના હાઈવે રોડ પર Gj-04-AW 7984 નંબરના ડમ્પર ચાલકે પુરપાટ ઝડપે ડમ્પર ચલાવી. બાઈક પર જઈ રહેલા સન્તબહાદુર કામી અને મહેન્દ્ર દમાઈના યુવક ઉપર ડમ્પર ફેરવી નાખ્યું. જેના કારણે બંને નેપાળી શ્રમિક યુવકના ઘટના સ્થળ ઉપર જ કરુણ મોત થયા. બનાવ બાદ ડમ્પરચાલક ડમ્પર મૂકીને ફરાર થઈ ગયો. ભાવનગર જિલ્લામાં 10 દિવસની અંદર 11 નિર્દોષ લોકોના ડમ્પરના અકસ્માતના કારણે મોતને ભેટ્યા છે.. આમ છતાં આ સીલસીલો હજુ પણ યથાવત છે. જેના કારણે હાઈવે ટ્રાફિક પોલીસ, આરટીઓ વિભાગ, ખનીજ વિભાગ સામે સવાલ ઉઠી રહ્યા છે..