Ram Sutar Death: SOUના શિલ્પકાર રામ સુતારનું નિધન, 101 વર્ષની વયે ગુરુગ્રામમાં લીધા અંતિમ શ્વાસ

પ્રખ્યાત શિલ્પકાર રામ સુતારનું નિધન થયું છે. તેમણે લગભગ 100 વર્ષની ઉંમરે નોઈડાના સેક્ટર 19 સ્થિત તેમના નિવાસસ્થાને અંતિમ શ્વાસ લીધા. તેમણે વિશ્વની સૌથી ઊંચી પ્રતિમા, સ્ટેચ્યુ ઓફ યુનિટીની ડિઝાઇન બનાવી હતી. તાજેતરમાં, મહારાષ્ટ્ર સરકારે તેમને તેમના સર્વોચ્ચ નાગરિક પુરસ્કાર, "મહારાષ્ટ્ર ભૂષણ" થી સન્માનિત કર્યા હતા. તેમને અગાઉ પદ્મશ્રી, પદ્મ ભૂષણ અને ટાગોર પુરસ્કારોથી સન્માનિત કરવામાં આવ્યા હતા.

રામ સુતારનો જન્મ 19 ફેબ્રુઆરી, 1925 ના રોજ મહારાષ્ટ્રના ધુળે જિલ્લાના ગોંડુર ગામમાં એક સામાન્ય સુથાર પરિવારમાં થયો હતો. બાળપણથી જ તેમને કલા પ્રત્યે ઊંડો ઝુકાવ હતો. તેમની પ્રતિભાને તેમના માર્ગદર્શક રામકૃષ્ણ જોશીએ ઓળખી, જેમણે તેમને મુંબઈની પ્રતિષ્ઠિત જે.જે. સ્કૂલ ઓફ આર્ટ્સમાં પ્રવેશ મેળવવા માટે પ્રોત્સાહિત કર્યા. અહીંથી તેમની શિલ્પકળાની સફર શરૂ થઈ, જે પાછળથી તેમને આંતરરાષ્ટ્રીય ખ્યાતિ તરફ દોરી ગઈ.