Gujarat Rain Forecast: ગુજરાતમાં 3 દિવસ ત્રાટકશે જોરદાર વરસાદ: હવામાન વિભાગની આગાહી

એકસાથે ચાર જેટલી સિસ્ટમ સક્રિય થતા આજથી ત્રણ દિવસ રાજ્યના કેટલાક જિલ્લામાં અત્યંત ભારે વરસાદની હવામાન વિભાગે આગાહી વ્યક્ત કરી છે.. આજે દક્ષિણ ગુજરાતના ચાર જિલ્લા અને સંઘ પ્રદેશ દમણ અને દાદરાનગર હવેલીમાં રેડ એલર્ટ જાહેર કરવામાં આવ્યું છે.. જ્યારે 10 જિલ્લામાં ઓરેન્જ અને 15 જિલ્લામાં ભારે વરસાદનું યલો એલર્ટ જાહેર કરવામાં આવ્યું છે.. અત્યંત ભારે વરસાદની આગાહીને પગલે રાજ્યના બંદરો પર ત્રણ નંબરનું સિગ્નલ લગાવીને માછીમારોને દરિયો ન ખેડવાની સૂચના આપવામાં આવી છે.. આવતીકાલે એટલે કે છ સપ્ટેમ્બરે  સૌરાષ્ટ્રના સુરેન્દ્રનગર અને ઉત્તર ગુજરાતના બનાસકાંઠા, સાબરકાંઠા, મહેસાણા અને અરવલ્લીમાં અત્યંત ભારે વરસાદનું રેડ એલર્ટ જાહેર કરાયું છે.. જ્યારે રાજકોટ, બોટાદ, મોરબી, પાટણ,ગાંધીનગર, ખેડા અને મહીસાગર જિલ્લા માટે વરસાદનું ઓરેન્જ એલર્ટ જાહેર કરાયું છે.. તો કચ્છની સાથે સૌરાષ્ટ્રના દેવભૂમિ દ્વારકા, જામનગર, પોરબંદર, જૂનાગઢ, અમરેલી, ભાવનગર અને ગીર સોમનાથ જિલ્લામાં યલો એલર્ટ જાહેર કરવામાં આવ્યું છે.. તો મધ્ય ગુજરાતના અમદાવાદ, આણંદ, પંચમહાલ, દાહોદ, વડોદરા, છોટા ઉદેપુરની સાથે દક્ષિણ ગુજરાતના ભરૂચ,નર્મદા, તાપી, સુરત, નવસારી, ડાંગ અને વલસાડમાં વરસાદનું યલો એલર્ટ આપવામાં આવ્યું.. સંઘ પ્રદેશ દીવ, દમણ અને દાદરાનગર હવેલીમાં પણ વરસાદનું યલો એલર્ટ આપવામાં આવ્યું.